web counter
LEXO PA REKLAMA!

SHKARKO APP

App Store
Google Play

E fundit!

x

“Më jep 1.5 milionë euro ose më gjej Talo Çelën”/ Nuredin Dumani rrëfen detajet tronditëse nga bota e krimit

17 Prill 2025, 14:39, Kronika CNA

“Më jep 1.5 milionë euro ose më gjej Talo

Nuredin Dumani është një nga emrat më të përfolur në botën e krimit të organizuar. Në seancën e mbajtur këtë të enjte, 17 prill 2025, Dumani ka rrëfyer detaje mbi disa prej ngjarjeve të njohura të krimit, si edhe për lidhjet e tij me disa prej figurave më të përmendura ndër vite, emra si Suel Çela, Behar Bajri dhe Elton Basha.

Në rrëfimin e tij para gjykatës, Dumani tregoi detaje të shumta, nga bisedat deri te marrëveshjet që ka pasur me disa prej emrave të njohur të krimit.

Ndër të tjera, Dumani ka rrëfyer për një kërkesë prej 1.5 milionë eurosh për realizimin e vrasjeve të porositura, si dhe takime të fshehta me kriminelë të tjerë.

Nuredin Dumani: Pasi nisa të merrem me vrasjen e mashës, vjen Baho më thotë Suel Çela kërkon të bëjë diçka me ne. Në momenton kur jam plagosur unë ka folur Henriku me Suel Çelën. Ia kam dhënë telefonin Henrikut të fliste me Suelin, kisha dy telefona që komunikoja me Suelin, ai e hoqi ‘Matrix’ pas vrasjes së Bled Muçës në Belgjikë. Elton Basha nga Burreli ka vite që e njoh. Më shumë se 15 vite më parë. Në telefon e kisha 'bisha'. Për herë të fundit e kam takuar kur erdhi në Kosovë 2021, fundi i këtij viti. Ka nejt disa herë tek unë në Kosovë. E takoja si shok, ça llogarie.

Behar Bajrin e kam takuar me Arlind Bushatin. I kishte thënë Elton Basha Arlindit se është shoku im. Tha bjere Nuredinin. Kto prisnin takim me mua, unë nuk shkova, çova Eltonin bashkë me Altinin, s’më kujtohet mbiemri, është nga Dibra. Isha në kontakt me Eltonin. Kërkojnë Nuredinin ato, i japin telefonin, ja ku është. Behar Bajri më tha pas një bisede me tensione dhe të gjatë, për të bërë goditje për atë, Dorian Dulin, Genc Tafilin, dhe perosna të tjerë po s’më kujtohen. I kam kërkuar 1.5 milionë euro.

Ai më dha 200 mijë euro se aq sa kërkova unë tha të çohen të vdekurit nga varri s'i bëj dot. Unë i kërkova në këmbim Behar Bajrit, Talo Çelën. Sepse ma ofroi, të më ndihmonte tha kam rob. Ia kërkova thashë ma gjej ku është. Pas disa kohësh tha s'e di. Suel Çela ma ka pranuar vetë se ka bërë takim me Talo Çelën. Me Behar Bajrin kam komunikuar me ‘sky’ ose ‘matrix’.

Dumani ka rrëfyer edhe detaje të njërës prej ngjarjeve tronditëse kriminale, ku përmend armët e zjarrit, makinat e shtrenjta dhe rastin kur e kapën plumbat në një atentat.

Nuredin Dumani: Dy kallashnikovë kisha, një do t'ia jepja Suel Çelës dhe një do ta mbaja vetë për të goditur. Henrikut s'i tregova se ku jam. Ndalova fillimisht në Pajovë. Henriku s’më jepte info ku është Oti. Fola me Suelin, e pyeta, se s’po dilte Oti, i çova vendin e makinës ku jam te kthesa e Cërrikut.

Pashë disa makina, kam identifikuar 5 makina. Nuk e shoh mirë situatën i them Suelit, po lagohem. 5 minuta më pas makina që më bëri atentatin mori për Cërrik. Më bllokuan rrugën makina me targa greke, njëri më bëri foto. U tërhoqa pas, nuk e vura re pas makinën tjetër që vinte. Një moment djathtas shoh që më gjuajnë me armë. Atë moment një ‘e class’ vishnje pashë.

U ktheva instiktivisht, pashë 3 veta, dy gjuanin e shoferi. I dhashë gaz makinës, kur gjujtën për së dyti më kapën plumbat. Ndalova makinën te një lokal, dhe kam zbritur në tokë. S’kam pasur atë ditë info se ku ndodhej Talo Çela. Kam komunikuar vazhdimisht me Henrikun. S’kemi qenë për Talo Çelën, por për Otin./CNA

 

 





Lajmet e fundit nga