web counter
LEXO PA REKLAMA!

SHKARKO APP

App Store
Google Play

E fundit!

x

Gjenden armë zjarri dhe municion në Dropull/ Detaje nga kontrollet policore në Bodrishtë

16 Prill 2025, 15:17, Kronika CNA

Gjenden armë zjarri dhe municion në Dropull/ Detaje nga kontrollet

Gjenden dhe sekuestrohen 2 armë zjarri kallashnikov dhe municion luftarak në fshatin Bodrishtë të Dropullit.

Armët e zjarrit do të dërgohen në Institutin e Policisë Shkencore për ekspertim.

Shërbimet e Policisë kanë marrë informacion se në një banesë të pabanuar, në fshatin Bodrishtë, një shtetas ende i paidentifikuar kishte fshehur armë zjarri dhe municion luftarak. 

Shërbimet e Policisë kanë ushtruar kontrolle në vendet e dyshimta dhe në territor të hapur. 

Nga informacionet e marra në rrugë operative dyshohet se një shtetas, që nuk është banor i fshatit Bodrishtë, i kishte fshehur armët e zjarrit në një banesë të pabanuar dhe për shkak të presionit policor, armët e zjarrit dhe municionin luftarak i kishte hedhur në terren. 

Gjatë kontrollit të territorit, në bashkëpunim me punonjësit e pastrim-gjelbërimit, këta të fundit gjetën në një kosh mbeturinash, 2 armë zjarri kallashnikov dhe municion luftarak.   

Armët e zjarrit do të dërgohen në Institutin e Policisë Shkencore, për ekspertim, për të parë nëse janë përdorur ose jo në ngjarje kriminale të mëparshme.  

Gjithashtu, një grup i posaçëm hetimor, në drejtimin e Prokurorisë, po punon për identifikimin dhe kapjen e shtetasit që posedonte armët e zjarrit dhe municionin luftarak./CNA

 

 

 





Lajmet e fundit nga