web counter
LEXO PA REKLAMA!

SHKARKO APP

E fundit!

x

Intensifikohet monitorimi me kamera dhe dronë/ Policia Rrugore vendos 165 masa administrative

13 Prill 2025, 16:37, Kronika CNA

Intensifikohet monitorimi me kamera dhe dronë/ Policia Rrugore vendos 165

Policia Rrugore po intensifikon monitorimet e akseve rrugore, me qëllim parandalimin e aksidenteve rrugore.

Dronë, radarë, kamera, makina inteligjente dhe patrulla me mjete të pauniformuara, 24/7.

Në bashkëpunim me administratorët e mirëmbajtjes së tuneleve, po monitorohen 24/7 lëvizjet në tunele dhe pamjet filmike të kamerave dhe radarëve të tuneleve administrohen nga Policia Rrugore.

Për të gjitha shkeljet e konstatuara, Policia Rrugore vendos masën administrative, e cila pasqyrohet menjëherë në portalin e-Albania, në adresën e drejtuesit të automjetit apo subjektit që është konstatuar në shkelje të Kodit Rrugor, për të cilin, krahas masës administrative, aplikohet edhe sanksioni plotësues i zbritjes deri në 15 pikë nga leja e drejtimit.

Përgjatë dy javëve të fundit, në Tunelin e Murrizit janë ndëshkuar 165 drejtues automjetesh me masë administrative 40000 lekë të rinj dhe me zbritje prej 15 pikësh nga leja e drejtimit.

Policia Rrugore apelon për zbatim me rigorozitet të rregullave të qarkullimit rrugor nga drejtuesit e automjeteve, motomjeteve, këmbësorët, si dhe nga ata që lëvizin me biçikleta ose me monopatina./CNA





Lajmet e fundit nga