web counter
LEXO PA REKLAMA!

SHKARKO APP

App Store
Google Play

Trafikonte lëndë narkotike kanabis me postë nga SHBA/ Vihet në pranga 24-vjeçari

9 Prill 2025, 09:31, Kronika CNA

Trafikonte lëndë narkotike kanabis me postë nga SHBA/ Vihet

Një 24-vjeçar është vënë në prangat e policisë së Tiranës për trafik të lëndëve narkotike nga SHBA-ja drejt Shqipërisë përmes shërbimit postar.

F. V., 24 vjeç u kap në flagrancë në një degë postare në kryeqytet, duke marrë një pako me rreth 3.6 kilogramë lëndë të dyshuar narkotike kanabis me përqindje të lartë THC.

Sekuestrohen rreth 3.6 kg lëndë e dyshuar narkotike kanabis me përqindje të lartë THC, me vlerë 50 000 euro.

 

"Tiranë/Finalizohet një tjetër fazë e operacionit të koduar “Destinacioni” kundër veprimtarisë kriminale të trafikimit të lëndëve narkotike, nëpërmjet shërbimit postar.

Vihet në pranga një 24-vjeçar që trafikonte nga SHBA në Shqipëri, lëndë narkotike kanabis me përqindje të lartë THC.

Sekuestrohen rreth 3.6 kg lëndë e dyshuar narkotike kanabis me përqindje të lartë THC, me vlerë 50 000 euro.

Seksioni për Hetimin e Narkotikëve, në bashkëpunim me Forcën e Posaçme Operacionale të DVP Tiranë, Komisariatin e Policisë Rinas dhe Filialin Qendra Tranzite e Postës Shqiptare, si rezultat i hetimeve të kryera me metoda proaktive, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ka finalizuar një tjetër fazë të operacionit “Destinacioni”, kundër veprimtarisë kriminale të trafikimit të lëndëve narkotike, nëpërmjet shërbimit postar.

Si rezultat i operacionit policor të koduar “Destinacioni 5”, u arrestua shtetasi F. V., 24 vjeç, banues në Tiranë.

Ky shtetas u kap në flagrancë nga shërbimet e Policisë, në një degë postare, duke marrë një pako me rreth 3.6 kg lëndë të dyshuar narkotike kanabis me përqindje të lartë THC, që dyshohet se është trafikuar nga SHBA", thuhet në njoftimin e policisë/CNA





Lajmet e fundit nga