web counter
LEXO PA REKLAMA!

SHKARKO APP

App Store
Google Play

E fundit!

x

Tjetër ngjarje tragjike në Bilisht/ Gjendet e pajetë nëna e të riut që humbi jetën pas një konflikti

3 Prill 2025, 18:47, Kronika CNA

 Tjetër ngjarje tragjike në Bilisht/ Gjendet e pajetë nëna e

Një tjetër ngjarje tragjike ka tronditur qytetin e Bilishtit, ku 66-vjeçarja Teuta Kaso është gjetur e pajetë në apartamentin e saj. Vetëm pak muaj më parë, ajo kishte humbur djalin e saj, Rigels Kason, i cili u vra pas një konflikti të dhunshëm në Tiranë.

Sipas burimeve policore, dyshohet se 66-vjeçarja ka kryer vetëvrasje, e rënduar psikologjikisht nga dhimbja e humbjes së të birit.

Ka qenë djali tjetër i familjes që është përpjekur disa herë të kontaktonte me nënën, por pasi nuk kishte marrë përgjigje, kishte lajmëruar të afërm dhe fqinj për të kontrolluar banesën. Pasi dera u gjet e mbyllur nga brenda, u njoftua policia, e cila ndërhyri duke e hapur me forcë. Në njërën nga dhomat, ata gjetën trupin e pajetë të 66-vjeçares.

Fqinjët e së ndjerës kanë treguar se Teuta Kaso ishte në një gjendje të rënduar shpirtërore pas vdekjes së të birit. Ajo jetonte vetëm dhe shpeshherë ishte parë e mbyllur në vetvete. Tragjedia e saj nisi më 15 korrik 2024, kur Rigels Kaso u dhunua rëndë në Kashar nga 34-vjeçari Bajram Gjeleshi, duke humbur jetën pas 4 ditësh në koma, në spitalin e Traumës.

Sipas policisë, Teuta Kaso kishte humbur edhe bashkëshortin vite më parë, dhe humbja e djalit ishte goditja përfundimtare për të. Ekspertiza mjekoligjore pritet të përcaktojë shkakun e saktë të vdekjes, ndërsa materialet i janë referuar Prokurorisë për vlerësim. Kjo ngjarje ka tronditur jo vetëm familjarët, por edhe komunitetin e Bilishtit, duke lënë pas dhimbje dhe pikëpyetje mbi dramën e dyfishtë që përfshiu familjen Kaso./CNA





Lajmet e fundit nga