web counter
LEXO PA REKLAMA!

SHKARKO APP

App Store
Google Play

E fundit!

x

FOTOT-Ish-misi dhe roli i saj në vrasjen e bujshme

2 Prill 2025, 12:41, Kronika CNA

FOTOT-Ish-misi dhe roli i saj në vrasjen e bujshme

Eria Ago është partnerja e Safet Bajrit, e cila ndodhet në burg si e përfshirë në vrasjen e Fatbardh Licit në 2018.

Sipas dosjes hetimore, ajo dyshohet se ka pasur rolin e drejtueses së automjetit me të cilin ndodheshin Astmer Bilali dhe Safet Bajri, duke çuar dy ekzekutorët e Licit drejt Shkodrës ditën e vrasjes.

Eria Ago është arrestuar që më 26 shkurt, teksa aktualisht ndodhet në burgun e Pojskës në Pogradec.

Ndaj saj rëndon akuza për veprën penale të krijimit të kushteve për të kryer vrasje dhe përkrahje të autorit të krimit.

Si u përfshi ish-misi në vrasjen e Fatbardh Licit?

Dyshohet se pas vrasjes së Fatbardh Licit, e dashura e Safet Bajrit, Eria Ago ka marrë me makinë dhe ka sjellë në Tiranë, Astmer Bilalin, ndërsa Safet Bajri ka qëndruar në Shkodër.

Safet e Behar Bajri dhe Astmer Bilali, të shoqëruar nga Eria Ago, udhëtuan me makinë që në orët e para të mëngjesit të gushtit 2018 nga Tirana për në Shkodër për të kryer vrasjen e Fatbardh Licit.

Njëri prej mjeteve “Mercedes Benz CL”, i bardhë dhe me targë “AA989TE” është drejtuar nga Eria, e cila sipas SPAK-ut, konfirmohet përmes komunikimeve që ajo ka pasur me Astmer Bilalin.

Eria Ago ka udhëtuar nga Tirana në drejtim të Shkodrës bashkë me Astmer Bilalin, me këtë makinë, në të cilën Astmeri Bilali ka harruar xhupin, që dyshohet se është qitësi në vrasjen e Fatbadh Licit./ CNA





Lajmet e fundit nga