web counter
LEXO PA REKLAMA!

SHKARKO APP

App Store
Google Play

E fundit!

x

Shiste doza të lëndëve narkotike/ Arrestohet 34-vjeçari në Korçë

8 Prill 2025, 17:29, Kronika CNA

Shiste doza të lëndëve narkotike/ Arrestohet 34-vjeçari

Një 34-vjeçar u vu në pranga pasi shiste doza kokaine dhe shtynte një shtetas të mitur, për ushtrimin e kësaj veprimtarie kriminale. 34-vjeçari i kapur në flagrancë ishte me masë sigurie "Arrest në shtëpi", për veprën penale "Prodhimi dhe shitja e narkotikëve".

U procedua penalisht shtetasi i mitur dhe një shtetas tjetër, pasi u kapën në flagrancë me doza kokaine që ia kishin blerë 34-vjeçarit.

Gjithashtu u sekuestruan dozat e kokainës, një shumë parash dhe 2 celularë.

Specialistët e Seksionit për Hetimin e Narkotikëve të DVP Korçë, si rezultat i veprimeve hetimore të kryera pas informacioneve të siguruara nga inteligjenca informative, goditën një rast të shitjes së lëndëve narkotike, në doza. Në vijim të veprimeve për këtë rast:

u arrestua në flagrancë shtetasi S. S., 34 vjeç, banues në Korçë, për veprat penale "Prodhimi dhe shitja e narkotikëve" dhe "Shtytja e të miturit në krim".

Ky shtetas, ndërkohë që ishte me masë sigurie "Arrest në shtëpi", për veprën penale "Prodhimi dhe shitja e narkotikëve", shiste doza kokaine në qytet dhe shtynte një shtetas të mitur, që të ushtronte këtë veprimtari kriminale. Gjatë kontrollit në banesën e shtetasit S. S. u gjet një sasi lënde e dyshuar narkotike kokainë, e ndarë në doza gati për shitje;

nisi procedimi në gjendje të lirë për shtetasin M. D., 26 vjeç, banues në Vorë, dhe për një shtetas 17 vjeç, banues në Korçë, për veprën penale "Prodhimi dhe shitja e narkotikëve". Këta shtetas u kapën në flagrancë, në lagjen nr. 6, Korçë, me doza të lëndës së dyshuar narkotike kokainë, të cilat sapo ia kishin blerë shtetasit S. S. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./CNA





Lajmet e fundit nga