web counter
LEXO PA REKLAMA!

SHKARKO APP

App Store
Google Play

E fundit!

x

Arsenal armësh në banesë/ Arrestohet 47-vjeçari në Delvinë

7 Prill 2025, 13:34, Kronika CNA

Arsenal armësh në banesë/ Arrestohet 47-vjeçari në

Finalizimi i operacionit “Sunrise” ka bërë të mundur goditjen e një rasti të armëmbajtjes pa leje.

Për rrjedhojë është arrestuar 47-vjeçari L. T., të cilit iu gjet një arsenal armësh i fshehur në banesë.

U gjetën dhe sekuestruan armë zjarri, krehër kallashnikovi, 2 krehra pistolete dhe një sasi fishekësh.

Njoftimi i policisë

Delvinë/Vijon goditja e armëmbajtjes pa leje, finalizohet me sukses nga Komisariati i Policisë Delvinë, operacioni policor i koduar “Sunrise”. Sekuestrohen 1 armë zjarri kallashnikov, 1 armë gjahu çifte, krehra dhe municion. Në pranga poseduesi, i cili i mbante të fshehura në banesë.

Në vijim të punës për parandalimin, evidentimin dhe goditjen e rasteve të armëmbajtjes pa leje, si dhe bazuar në informacionet e siguruara nga inteligjenca informative, të cilat bënin me dije se një shtetas posedonte armë në banesën e tij, shërbimet e Komisariatit të Policisë Delvinë organizuan dhe finalizuan me sukses, gjatë paradites së sotme, operacionin policor të koduar “Sunrise”.

Si rezultat i këtij operacioni, u arrestua në flagrancë shtetasi L. T., 47 vjeç, banues në Delvinë.

Gjatë operacionit, shërbimet e Policisë ushtruan kontroll në banesën e shtetasit L. T., ku gjatë kontrollit gjetën dhe sekuestruan në cilësinë e provës materiale: 1 armë zjarri automatike tip kallashnikov, 1 armë gjahu çifte, 1 krehër kallashnikovi, 2 krehra pistolete dhe një sasi fishekësh.

Materialet procedurale në ngarkim të këtij shtetasi i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme hetimore dhe procedurale./ CNA





Lajmet e fundit nga