E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Goditën agjentët e BKH-së/ Lihen në qeli dy nipat e Agron Kapllanajt dhe punonjësi i firmës

18 Prill 2025, 12:35, Kronika CNA

Goditën agjentët e BKH-së/ Lihen në qeli dy nipat e Agron

Gjykata e Fierit ka caktuar masën e sigurisë “Arrest me burg” për dy nipat e Agron Kapllanajt, Klajdi dhe Gerald Kapllanaj, si dhe për Gerald Kollçakun, të cilët disa ditë më parë goditën agjentët e BKH-së dhe forcave operacionale në Fier.

Një ditë më parë prokuroria e Fierit nisi hetimet ndaj tre të arrestuarve me akuzën e goditjes për shkak të detyrës.

“Një hetues i Byrosë Kombëtare të Hetimit dhe oficerët e Forcës së Posaçme Operacionale të Policisë së Shtetit, kanë qenë duke kryer veprime hetimore në kuadër të një hetimi të Prokurorisë së Posaçme kundër Korrupsionit dhe Krimit të Organizuar, në aksin rrugor Fier-Patos, në afërsi të fshatit Portëz e Madhe, Fier. Gjatë kohës që ishin duke kryer veprime, ata janë filmuar nga shtetasi O.I., ç’ka i ka detyruar të largohen nga vendi ku ishin pozicionuar. Rreth 30 minuta më pas, gjatë kohës që ishin duke qendruar në mjetin e tyre në një vend tjetër, në anë të rrugës publike pranë vendit të quajtur “Rrethrrotullimi i Parkut”, të qytetit të Fierit, u janë afruar tre automjete nga kanë kanë zbritur disa persona, të cilët kanë ushtruar dhunë fizike ndaj punonjësve të policisë, pavarësisht prezantimit të këtyre të fundit”, deklaroi Prokuroria.

Ngjarja ka ndodhur mbrëmjen e së martës rreth orës 19:20 minuta, në aksin Fier – Patos, në afërsi të një kompanie ndërtimi 'Shkëlqimi 07', në pronësi të Shkëlqim Kapllanajt, vëllai i Agron Kapllanajt. Djali i Shkëlqimit bashkë me djalin e vëllait tjetër, Pëllumbit, janë përplasur fizikisht me oficerët e BKH-së. Gerald Kollçaku, punonjës i fabrikës dhe mik i tyre është gjithashtu i përfshirë në konflikt.

Ata kanë deklaruar se nuk e dinin që ata ishin agjentë dhe nëse do të ishin prezantuar nuk do të kishte ndodhur ngjarja.

Nga ana tjetër në një reagim SPAK-u ka deklaruar se agjentët e BKH-së janë sulmuar pa motiv./ CNA