Brilant Martinaj e urinoi në fytyrë/ Historia e armiqësisë mes Roan Brahimit dhe Ervis Martinajt

18 Prill 2025, 13:23, Kronika CNA

Brilant Martinaj e urinoi në fytyrë/ Historia e armiqësisë

Një ditë më parë ndodhën dy atentate ku në Tiranë mbeten 4 të plasogur, ndërsa në Lezhë u ekzekutua babai i Roan Brahimit, Gjovalin Prendi, në Lezhë.

Burime për "Report TV" thonë se dyshohet se është ngatërruar shënjestra e atentatit në Tiranë nga i cili u plagosën 4 persona dhe shënjestra mund të ketë qenë gruaja e Roan Brahimit.

Sipas po të njëjtave burime, nuk dihet se kush fshihet pas atentatit ndaj Roan Brahimit, por dyshohet se është porositur nga ushtarët e Ervis Martinajt për hakmarrje. Kjo, pasi Brahimi dyshohet se ishte ai që porositi vrasjen e Brilant Martinajt, kushëririt të Martinajt.

Historia e armiqësisë mes Roan Brahimit dhe Ervis Martinajt

Roan Brahimi, i njohur edhe me emrin Sidorel Prendi nga Pllana e Lezhës, u ekzekutua me armë zjarri në një atentat mafioz mbrëmjen e 9 majit 2024 në Athinë në sy të gruas dhe djalit të tij.

Armiqësia duket se nisi vite më parë, ku Brahimi, apo siç njihej ndryshe, Sidorel Prendi, u dhunua dhe denigrua nga Brilant Martinaj.

Thuhet se ai i urinoi në fytyrë, akt ky që Roani nga Pllana e Lezhës, nuk e harroi kurrë. Ngjarja ndodhi për një borxh bixhozi të cilin Brahimi nuk e shleu.

Ylli Brahimi, në rreth miqësie me Roan Brahimin, e dërgoi atë në një nga bazat afër Fushës Kuqes, ku ishin Ervis Martinaj dhe njerëzit e tij të besuar.

Me daljen e tij gjallë nga aty, asokohe thuhet se Roan Brahimi paralajmëroi Ylli Brahimin: Nuk ta fal kurrë atë që më ke bërë!

Brahimi u bë i dyshuar për disa atentate të bujshme, mes tyre edhe masakra e Fushë-Krujës, ku u vranë Besmir Hoxha, Brilant Martinaj dhe Dikler Vata.

Ngjarja ndodhi më 17 korrik 2022 dhe dyshohet se atentati u porosit dhe u organizua nga Roan Brahimi, për eliminimin e Brilant Martinajt, kushëri i Ervis Martinajt.

Më 22 korrik 2022, në Milot, u organizua një atentat ndaj Ylli Brahimit, krahu i djathtë i Ervis Martinajt, ku mbeti i vrarë Klisman Preçi. Edhe për këtë ngjarje, Brahimi u dyshua si organizator. ?

Roan Brahimi dyshohet të ketë lidhje edhe me vrasjen e Gentjan Bejtjes më 15 mars të 2024 në Larushk të Krujës.

Një nga personat e arrestuar nga policia si transportues i vrasësve, Ilir Beqaraj, rezulton të ketë lidhje miqësore me të, konkretisht kunat me Roan Brahimin, shkruan "Shqiptarja.com".

Ky i fundit, në bashkëpunim me grupin e Niklës, ka dyshime të forta se kanë bashkëpunuar për të kryer këtë atentat, e po ashtu dyshohen të përfshirë edhe në disa ngjarje të fundit të ndodhura në Kurbin dhe Lezhë.

Ata mendohet të kenë qenë financues dhe organizatorë, për të goditur grupin rival të Ervis Martinajt. Për vrasjen e Gentjan Bejtjes dyshohet se pajtuan qitës nga Vlora.

Brahimi u largua nga Shqipëria dhe u vendos në Dubai. Megjithatë, më 9 maj 2024, ai u vra në Athinë nga dy persona të maskuar me motor, ndërsa ishte me gruan dhe djalin e tij të mitur./ CNA