web counter
LEXO PA REKLAMA!

SHKARKO APP

App Store
Google Play

E fundit!

x

Video-Ish efektivi i RENEA-s, me snajper në makinë/ Banesa e tij, si depo ushtarake me municion

27 Korrik 2022, 09:06, Kronika CNA

Video-Ish efektivi i RENEA-s, me snajper në makinë/ Banesa e tij, si

Remal Rada, ish-efektiv i RENEA-s, u kap një ditë më parë me snajper në makinë, ndërsa udhëtonte së bashku me shokun e tij, Elton Hithi.

Policia sot ka nxjerrë pamje nga armët e gjetura në banesën me qira që ishte marrë nga ish-efektivi i RENEA-s, i cili u arrestuan, në kuadër të operacionit “Double strike”, pas informacioneve të marra në rrugë operative.

Në banesën e marrë me qira nga njëri prej shtetasve të arrestuar ditën e djeshme, janë gjendur 1 armë zjarri pistoletë, municion luftarak, targa shqiptare dhe të huaja, 4 thika, 13 pajisje fiksuese si ato të armëve, shenjestër optike, 15 aparate celulare, 2 radio si ato të Policisë dhe pajisje të tjera që përdoren nga Policia.   

“Shërbimet e Komisariatit të Policisë Nr. 1, në vijim të operacionin policor të koduar 'Double strike', në kuadër të të cilit u arrestuan në flagrancë shtetasit R. R., 39 vjeç dhe E. H., 28 vjeç, në vijim të veprimeve hetimore për dokumentimin e veprimtarisë kriminale të këtyre shtetaseve, kanë zbuluar një banesë të marrë me qira nga shtetasi R. R.

Gjatë kontrollit në këtë banesë, në zonën e quajtur 'Selitë e Vjetër', shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, 13 pajisje të ndryshme fiksuese dhe shtrënguese si ato të armëve, municion luftarak, këllëf pistolete, 2 radio Policie, një aparaturë valësh, dy elektrikë dore, njëri prej tyre me mbishkrimin 'Policia', 4 thika, targa shqiptare dhe të huaja, jelek multifunksional me mbishkrimin 'RENEA', shënjestër optike, 15 aparate celulare dhe sende të tjera.

Vijon puna për dokumentimin e plotë të kësaj veprimtarie kriminale”, thuhet në njoftimin e Policisë./CNA.al





Lajmet e fundit nga