web counter
LEXO PA REKLAMA!

SHKARKO APP

App Store
Google Play

U kap me dy armë zjarri në makinë/ Arrestohet shoferi i ish-deputetit Mark Frroku

6 Tetor 2022, 20:59, Kronika CNA
U kap me dy armë zjarri në makinë/ Arrestohet shoferi i
Foto ilustruese

Policia ka vënë në pranga shoferin e ish-deputetit Mark Frroku. Shoferit me iniciale A.P. i janë sekuestruar dy armë zjarri në automjet si dhe 2 krehra e municion luftarak.

38-vjeçari është arrestuar në bazë të operacionit të koduar “Bulevardi”. Armët janë sekuestruar në Tiranë pranë bulevardit ‘Migjeni’.

Por pavarësisht se armët e zjarrit janë gjetur në makinë, 38-vjeçari ka pranuar gjatë marrjes në pyetje nga organi i akuzës se armët i përkisnin atij.

“Finalizohet operacioni policor i koduar "Bulevardi", për goditjen e veprimtarisë kriminale në fushën e armëmbajtjes pa leje. 

Operacioni, i zhvilluar nga Forca e Posaçme "Shqiponja" dhe Komisariati i Policisë Nr. 6.

Qarkullonte me armë zjarri në automjet, vihet në pranga 38-vjeçari.

Sekuestrohen 2 armë zjarri pistoleta, 2 krehra dhe municion luftarak.

Shërbimet e Forcës së Posaçme "Shqiponja", në bashkëpunim me Komisariatin e Policisë Nr. 6, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative se në bulevardin "Migjeni", një shtetas po qarkullonte me armë zjarri në automjet, kanë organizuar punën dhe kanë finalizuar me sukses operacionin policor të koduar “Bulevardi".

Si rezultat i këtij operacioni, u bë kapja dhe arrestimi në flagrancë i shtetasit: 

- A. P., 38 vjeç, banues në Tiranë, për veprën penale "Mbajtja pa leje dhe prodhimi i armëve, armëve shpërthyese dhe i municionit".

Gjatë kontrollit në automjetin që po drejtonte ky shtetas, në bulevardin "Migjeni", shërbimet e Policisë gjetën dhe sekuestruan në cilësinë e provës materiale 2 armë zjarri pistoleta, 2 krehra dhe municion luftarak” ,thuhet në njoftim.





Lajmet e fundit nga