E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Fajdet, fenomen i përhapur në botën e krimit/ Gazetari: Në rrezik jo vetëm ata që marrin, por dhe ata që japin

5 Tetor 2022, 20:34, Kronika CNA

Fajdet, fenomen i përhapur në botën e krimit/ Gazetari: Në

Foto ilustruese

Sonte në emisionin “Në shënjestër”, të gazetares Klodiana Lala, po trajtohet tema e dhënies së parave me fajde dhe çfarë pasojash sjell ky fenomen.

Sipas gazetarit Elkier Bushkola ka deklaruar se si pasojë e dhënies së parave me fajde shumë persona kanë humbur jetën apo rrëmbehen.

Ai thekson se në rrezik nuk janë vetëm ata që marrin para me fajde, por edhe ata që japin.

Nga ana tjetër, gazetarja e "BIRN", Aleksandra Bogdani, tha se fajdet janë një fenomen, i cili mund të konsiderohet zgjatim i krimit të organizuar në vend.

Pjesë nga biseda në studio:

Bushkolaj: Ka shumë histori pengmarrjesh e atentatesh mafioze. Kevi Hysa një nga fajdexhinjtë të cilët humbi jetën. Janë të rrezikuar jo vetëm ata që marrin para me fajde, por edhe ata që japin.

Bogdani: Fenomen i hapur në botën e errët të krimit, zgjatim i krimit të organizuar në vend.

Gjatë 2021 kishte vetëm 14 raste të hetuara për fajdet. Indikacionet tregojnë se është një fenomen shumë i përhapur. Kemi bërë një shkrim për këtë çështje, dhe ka rezultuar se rreth 20 përqind e akteve noteriale që firmosen çdo ditë, janë akte huaje.

Aktivitete të tilla nisin e pushtojnë sfera të institucioneve që duhet të jenë garantues.

Zakonisht janë njerëz që e kanë litarin në fyt, me kredi apo biznese pranë falimentit, biznese të reja që duan të ngrihen, të rinj me një ide por nuk kanë paratë. Shumë më pak prek njerëzit e zakonshëm, përgjithësisht është bota e biznesit që në pamundësi për të gjetur para kur janë të rrezikuar, i drejtohen fajdeve.

Bushkola: Numri i rasteve të hetuara është i ulët, nuk ka vullnet nga organet për ta luftuar si fenomen. Nikla e Laçi janë parajsë.

Rastet e fajdeve zakonisht kalojnë në rrëmbime e vrasje. Biznesmenët që i drejtohen fajdeve, mund të jenë persona që fillimisht e kanë nisur biznesin me para nga bota e krimit dhe kanë lidhje me persona të tilla.

Policia është thuajse jashtë loje në këtë fenomen pasi mesa duket i mungojnë edhe ekspertët. gjurmët për të luftuar këtë fenomen janë të pakta. Mekanizmi që përdorin është që për shua të vogla përdoren kambistët, deri në 20 mijë euro. Për më shumë pëerdoren biznesmenë si pronarët e karburanteve. Nëse shteti do mund të bëjë një verifikim të pasurisë dhe gjithçka zbulohet. Por këto zona nuk janë thuajse fare në kontrollin e policisë së rretheve. Bota e krimit këtu nuk e ka frikë policinë, sidomos atë lokale./ CNA.al