web counter
LEXO PA REKLAMA!

SHKARKO APP

App Store
Google Play

Vrasja e Jan Prengës/ Trupi i tij ende s’është gjetur, dihen organizatorët

30 Shtator 2022, 10:30, Kronika CNA

Vrasja e Jan Prengës/ Trupi i tij ende s’është gjetur,

Gazetari Xhevahir Zhabina është shprehur se Jan Prenga, i cili u zhduk në janar të vitit 2020 dhe që prej asaj dite nuk ka asnjë gjurmë të tij, nuk ka lidhje direkte me zhdukjen e një sasie kokaine në një port në Angli.

Në një intervistë për "Euronews Albania", Zhabina tha se trupi i Prengës nuk u gjet kurrë, ndërsa shtoi se sipas dosjes së prokurorisë, organizatorët e zhdukjes së tij janë Dritan Rexhepi dhe Gentjan Doçi.

Megjithatë, Zhabina nënvizoi se përderisa nuk ka asnjë gjurmë të tij, kjo ngjarje është shumë e vështirë për t’u zbardhur.

“Jan Prenga është viktimë kolaterale në këtë histori, pasi ai nuk ka lidhje direkte me zhdukjen e një sasie kokaine në një port në Angli, ku dyshohet se vëllai i Jan Prengës ia ka vjedhur një grupi të strukturuar kriminal. Duke qenë se kjo sasi kokaine humbi, këta persona rrëmbyen Jan Prengën, vëllain e personit të cilin ky grup dyshonte që i kishte vjedhur kokainën. Trupi i tij nuk u gjet kurrë. Edhe pas 2 vitesh policia nuk ka gjetur ende trupin, që më pas do ta lidhte direkt edhe me personat e këtij grupi.

Kopshtari u dënua sepse del në video dhe fotot. Ai është marrë me pastrimin e asaj që ka ngelur pas me trupin e Jan Prengës. Nuk është gjetur asnjë provë që mund ta lidhë me trupin e Jan Prengës.

SPAK-u ka hapur një hetim tjetër. Kush e ka urdhëruar të gjithë këtë ngjarje dihet, sepse del nga dosja e Prokurorisë, është Dritan Rexhepi dhe Gentjan Doçi, por deri në momentin që nuk ke një trup, është një ngjarje që është vështirë  për t’u zbardhur”- deklaroi gazetari i "Euronews Albania".

Ditën e djeshme, Gjykata e Posaçme Kundër Krimit të Organizuar, GJKKO, ka dënuar me burg të përjetshëm Festim Bexhdilin, kopshtarin e resortit ku u zhduk Jan Prenga. Ai nuk ka pranuar akuzat në sallën e gjyqit, por Prokuroria e Posaçme e akuzon atë si bashkëpunëtor në vrasje.

Sipas prokurores, kopshtari është marrë me pastrimin e vendit si dhe të nesërmen është larguar me një fugon, ku shfaqet me kazmë dhe lopatë.





Lajmet e fundit nga