LEXO PA REKLAMA!

SHKARKO APP

U ekzekutua me dy plumba pas koke/ Zbulohet identiteti i shqiptarit që u vra në Gjermani

30 Nëntor 2022, 13:31, Kronika CNA
U ekzekutua me dy plumba pas koke/ Zbulohet identiteti i shqiptarit që u
Foto nga vendngjarja

Mario Muka është 42-vjeçari shqiptar i cili është ekzekutuar me armë zjarri mbrëmjen e së hënës në Gjermani.

Ai jetonte atje që prej vitit 2018, dhe rezulton të jetë pronar i një biznesi në Shijak.

Sipas raportimeve të gazetës gjermane "BILD", viktima ishte i njohur për policinë, pasi tashmë disa herë ishte vënë re për vepra të ndryshme (narkotikë, vjedhje).

Kujtojmë se dy plumba e kanë kapur shqiptarin në kokë, duke rezultuar kështu goditje fatale.

Sipas policisë, të nesërmen e krimit janë gjetur vrima plumbash në një fasadë shtëpie në kutinë postare dhe aty në një sistem celulari.

Sakaq prokurorja e rastit ka cilësuar se kjo vrasje nuk është e rastësishme, pasi autorët e kishin ndjekur prej kohësh shqiptarin, por ende nuk janë zbardhur plotësisht rrethanat dhe arsyet e këtij krimi.

"Sipas gjendjes aktuale të hetimeve, mund të perjashtohet që personi të ketë qenë viktimë aksidentale. Megjithatç, motivi i kesaj vepre të përgjakshme është ende i paqartë. Po hetojmë në të gjitha drejtimet", tha prokurorja e rastit./CNA.al

Lajmet e fundit nga