E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Tre persona nën hetim/ Policia, në lëvizje kundër basteve sportive

30 Nëntor 2022, 11:48, Kronika CNA

Tre persona nën hetim/ Policia, në lëvizje kundër basteve

Policia ka proceduar penalisht një shtetas në Berat dhe ka arrestuar 2 persona të tjerë në Durrës në kuadër të operacioneve kundër lojërave të fatit.

Në Berat është proceduar penalisht shtetasi K.K 26 vjeç, pasi u kap nga Policia, në një lokal në fshatin Duhanas, Berat, duke vendosur baste sportive, nëpërmjet aparatit celular, i cili u sekuestrua në cilësinë e provës materiale.

Ndërsa në Durrës janë arrestuar 2 persona, njëri pronar lokali dhe tjetri bashkëpunëtor i tij.

-A. I., 59 vjeç, banues në Durrës (pronari i lokalit),është vënë në pranga për veprat penale "Vënia në dispozicion e lokaleve për lojëra të palejuara" dhe “Organizimi i lotarive të palejuara", kryer në bashkëpunim;

Ndërsa shtetasi A. C., 60 vjeç, banues në Durrës, për veprën penale “Organizimi i lotarive të palejuara", kryer në bashkëpunim.

Njoftimi i policisë Berat:

Vijojnë kontrollet nga shërbimet e Komisariatit të Policisë Berat, në kuadër të operacionit policor të koduar "Lojtari", për evidentimin dhe goditjen e veprimtarisë së paligjshme të lojërave të fatit.

Evidentohet dhe goditet një rast i vënies së basteve sportive, nëpërmjet aparatit celular.

Procedohet penalisht 1 shtetas, sekuestrohet aparati i tij celular.

Shërbimet e Komisariatit të Policisë Berat, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar "Lojtari", kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar dhe goditur 1 rast i kësaj veprimtarie.

Në vijim të veprimeve u referuan materialet në prokurori dhe nisi procedimi penal për shtetasin:

K. K., 26 vjeç, banues në Duhanas, Berat, pasi u kap nga Policia, në një lokal në fshatin Duhanas, Berat, duke vendosur baste sportive, nëpërmjet aparatit celular, i cili u sekuestrua në cilësinë e provës materiale.

Njoftimi i policisë Durrës:

Durrës/Vijon operacioni policor i koduar “Fati i lojërave”, për parandalimin, evidentimin dhe goditjen e organizimit të kundërligjshëm të lojërave të fatit.

Vinin baste sportive, nëpërmjet laptopit dhe aparateve celulare, në një lokal, arrestohen në flagrancë pronari i lokalit dhe bashkëpunëtori i tij.

Specialistët për Hetimin e Krimeve të Komisariatit të Policisë Durrës, në kuadër të operacionit policor të koduar “Fati i lojërave”, mbështetur dhe nga inteligjenca informative, kanë vijuar kontrollet në lokale dhe në ambiente të tjera, ku dyshohet se organizohen lojëra fati, në kundërshtim me ligjin. Si rezultat, u godit një rast tjetër i kësaj veprimtarie dhe u arrestuan shtetasit:

-A. I., 59 vjeç, banues në Durrës (pronari i lokalit), për veprat penale "Vënia në dispozicion e lokaleve për lojëra të palejuara" dhe “Organizimi i lotarive të palejuara", kryer në bashkëpunim;

A. C., 60 vjeç, banues në Durrës, për veprën penale “Organizimi i lotarive të palejuara", kryer në bashkëpunim.

Këta shtetas u kapën në flagrancë nga shërbimet e Policisë, në lokalin në pronësi të shtetasit A. I., duke vënë baste sportive, përmes laptopit dhe aparateve celulare.

Në cilësinë e provës materiale u sekuestruan 1 laptop, 2 aparate celulare dhe një shumë parash e dyshuar e përfituar nga lotaritë e paligjshme.

Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./CNA.al