LEXO PA REKLAMA!

SHKARKO APP

Aksident rrëqethës në Itali/ Çifti shqiptar në gjendje të rëndë shëndetësore

30 Nëntor 2022, 10:01, Kronika CNA

Aksident rrëqethës në Itali/ Çifti shqiptar në

Një aksident i frikshëm rrugor ka ndodhur mbrëmjen e djeshme pak para orës 20:00 në Marola, ku një çift shqiptar është transportuar drejt urgjencës në gjendje shumë të rëndë.

Në këtë aksident u përfshinë tri makina, por më të dëmtuarit mbetën shoferi dhe pasagjeri, burrë e grua, të dy me origjinë shqiptare, të një "Audi A3", pjesa e përparme e të cilit u shkatërrua plotësisht.

Makina po ecte në drejtim të qytetit, duket me një shpejtësi mjaft të madhe, kur në zbritjen Marola fillimisht goditi një makinë të bardhë në të cilën ndodheshin dy të rinj të cilët për fat nuk pësuan dëmtime.

Më pas çifti shqiptar u përplas me makinën me ngjyrë të errët të një banori vendas. Fatmirësisht edhe ai nuk është lënduar rëndë. Alarmi ra menjëherë dhe ekipet e shpëtimit u gjendën përballë një skene rrëqethëse. 

Menjëherë në vendngjarje mbërriti ambulanca, dhe çifti u dërgua në spital me urgjencë.

Aksidenti në Napoleonica detyroi policinë vendase dhe karabinierët, të cilët ndërhynë për të hetuar, të mbyllin rrugën për qarkullim./CNA.al Burimi: Lanazione

Lajmet e fundit nga