web counter
LEXO PA REKLAMA!

SHKARKO APP

App Store
Google Play

Trafikonin lëndë narkotike nga SHBA-ja përmes postës/ Arrestohen 2 shtetas në Tiranë

8 Maj 2025, 09:58, Kronika CNA

Trafikonin lëndë narkotike nga SHBA-ja përmes postës/

Finalizohet operacioni policor i koduar “Pako 5”, kundër trafikimit të lëndëve narkotike nga ShBA-ja, nëpërmjet postës.

U kapën nga policia, sapo morën pakon me 1 kg e 52 g kanabis me përqindje të lartë THC, në një degë postare në Vorë, vihen në pranga 2 shtetas. 

Sekuestrohet pakoja me lëndën narkotike.

Në vijim të aksioneve policore intensive, me fokus goditjen e rasteve të trafikimit të lëndës narkotike kanabis sativa me përqindje të lartë THC, nga ShBA, me qëllim shitjen në vendin tonë, Seksioni për Hetimin e Narkotikëve, në drejtimin e Prokurorisë dhe në bashkëpunim me Forcën e Posaçme Operacionale, Komisariatin e Policisë Rinas dhe Filialin Qendra Transite e Postës Shqiptare, finalizoi operacionin “Pako 5”.

Gjatë operacionit u arrestuan në flagrancë shtetasit K. Q., 24 vjeç, dhe D. H., 22 vjeç, të dy banues në Tiranë.

Ata u kapën në flagrancë menjëherë pasi morën në një degë postare në Vorë, një pako me 1 kg e 52 gramë kanabis me përqindje të lartë THC, të trafikuar nga ShBA-ja, me qëllim shitjen në Shqipëri.

Materialet procedurale iu referuan Prokurorisë së Tiranës për veprime të mëtejshme./CNA





Lajmet e fundit nga