web counter
LEXO PA REKLAMA!

SHKARKO APP

App Store
Google Play

Iu gjetën armë dhe mjete policie në shtëpi/ Arrestohet 64-vjeçari në Tiranë

7 Maj 2025, 14:22, Kronika CNA

Iu gjetën armë dhe mjete policie në shtëpi/ Arrestohet

Iu gjetën në banesë 7 karikatorë armësh, 4 armë të ftohta, 1 pistoletë me mulli, uniforma dhe mjete si të Policisë, si dhe sasi të konsiderueshme municioni, arrestohet poseduesi. Sekuestrohen sendet, të cilat posedoheshin pa leje.

Si rezultat i administrimit të shpejtë të informacioneve të siguruara nga inteligjenca policore, se në një banesë në rrugën “Pasho Hysa”, mbaheshin në kundërshtim me ligjin, armë dhe sende të tjera, shërbimet e Komisariatit të Policisë Nr. 1 finalizuan operacionin “Municioni”.

Gjatë ndërhyrjes, në këtë banesë u gjetën 7 karikatorë armësh, 4 armë të ftohta, 1 pistoletë me mulli, uniforma dhe shkop gome si të policisë, si dhe sasi të konsiderueshme municioni, të cilat posedoheshin pa leje, nga pronari i banesës, shtetasi A. D., 64 vjeç.

Në vijim të veprimeve procedurale për rastin, ky shtetas u arrestua në flagrancë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” dhe “Mbajtja pa të drejtë e uniformës”.

Materialet procedurale iu referuan Prokurorisë së Tiranës për veprime të mëtejshme./CNA

Iu gjetën armë dhe mjete policie në shtëpi/ Arrestohet

 





Lajmet e fundit nga