web counter
LEXO PA REKLAMA!

SHKARKO APP

App Store
Google Play

I dëmtoi mjetin me sëpatë/ Arrestohet 36-vjeçari në fshatin Kutalli të Beratit

6 Maj 2025, 14:39, Kronika CNA

I dëmtoi mjetin me sëpatë/ Arrestohet 36-vjeçari në

Dhunoi të afërmit dhe u dëmtoi automjetin me sëpatë, kapet 36-vjeçari. I arrestuari kishte 64.3 gramë kokainë në automjet, me qëllim shitjen. Procedohet penalisht një 26-vjeçar, për bashkëpunim për dhunimin e të afërmve të 36-vjeçarit.

Sekuestrohen sasia e lëndës narkotike, automjeti i të arrestuarit dhe sendi i fortë (sëpatë).

Menjëherë pas njoftimit për një konflikt në fshatin Kutalli, shërbimet e Stacionit të Policisë Dimal në bashkëpunim me strukturat e DVP Berat kanë organizuar punën dhe kanë shkuar në vendngjarje, me qëllim sqarimin e rrethanave të rastit.

Si rezultat i veprimeve të shpejta policore, u parandalua përshkallëzimi i këtij konflikti dhe u vu në pranga shtetasi V. P., 36 vjeç, banues në fshatin Kutalli.

Për motive të dobëta, 36-vjeçari dyshohet se dhunoi 2 dajët e tij dhe dëmtoi automjetin e njërit prej tyre, me send të fortë (sëpatë). Nga kontrolli në automjetin e tij, u gjetën 64.3 gramë lëndë narkotike kokainë që dyshohet se e posedonte me qëllim shitjen.

Në vijim të veprimeve procedurale për rastin, nisi procedimi në gjendje të lirë për shtetasin K. Z., 26 vjeç, banues në Kuçovë, pasi dyshohet se ka bashkëpunuar me shokun e tij, shtetasin V. P., për dhunimin e 2 shtetasve.

Materialet procedurale iu referuan Prokurorisë së Beratit për veprime të mëtejshme./CNA





Lajmet e fundit nga