web counter
LEXO PA REKLAMA!

SHKARKO APP

App Store
Google Play

Kandidati i PD-së u shoqërua në Komisariat/ Reagon Policia: U parandalua përshkallëzimi i konfliktit

4 Maj 2025, 22:22, Kronika CNA

Kandidati i PD-së u shoqërua në Komisariat/ Reagon Policia: U

Pas lajmit për shoqërimin në Komisariatin e Fierit të kandidatit të PD-së për këtë qark, ka ardhur edhe reagimi nga Drejtoria Vendore e Policisë Fier.

Gjatë pasdites së të dielë, kandidati Fatjon Semanjaku kundërshtoi policët bashkiakë për heqjen e një banderole.

Në reagim, theksohen rrethanat e ngjarjes dhe sqarohet se shoqërimi është kryer për të parandaluar përshkallëzimin e konfliktit,.

Reagim i Drejtorisë Vendore të Policisë Fier:

Në lidhje me një lajm të publikuar për shoqërimin në Komisariat të shtetasit F. S. (Kandidat për deputet i subjektit politik Partia Demokratike), sqarojmë se:

Rreth orës 18:50, Drejtori i Policisë Bashkiake ka njoftuar te Salla Operative e DVP Fier se një subjekt politik ka vendosur poster në qëndër të qytetit, në kundërshtim me ligjin dhe po kundërshton forcat e Policisë Bashkiake për heqjen e këtij posteri.

Pas njoftimit të marrë, në vendngjarje kanë shkuar shërbimet e Policisë të cilat për të parandaluar përshkallëzimin e konfliktit, kanë shoqëruar personin që po kundërshtonte policinë bashkiake, kanditatin për deputet të Partisë Demokratike, shtetasin F. S., i cili është lënë i lirë menjëherë.

Drejtoria Vendore e Policisë Fier siguron subjektet politike dhe qytetarët se shërbimet e Policisë janë të angazhuara maksimalisht për të parandaluar e goditur paligjshmëritë si dhe për të garantuar rendin e sigurinë./CNA





Lajmet e fundit nga