web counter
LEXO PA REKLAMA!

SHKARKO APP

App Store
Google Play

E fundit!

x

Tentoi të fuste kontrabandë 116 celularë dhe 18 shishe verë/ Vihet në pranga 38-vjeçari në Portin e Durrësit

3 Maj 2025, 13:38, Kronika CNA

Tentoi të fuste kontrabandë 116 celularë dhe 18 shishe verë/

Policia ka finalizuar operacionin “In” në kuadër të të cilit është arrestuar një 38-vjeçar për kontrabandë mallrash.

I arrestuari nëpërmjet portit të Durrësit, tentoi të fuste kontrabandë në Shqipëri 116 celularë dhe 18 shishe me verë, mallra të cilat u sekuestruan.

Gjithashtu u sekuestruan nga policia dhe kamioni së bashku me pasaportën dhe celularin e të arrestuarit.

 

Njoftimi i policisë

 

Port, Durrës/Finalizohet operacioni policor i koduar “In”.

Tentoi të fuste me kamion, në Shqipëri, 116 celularë dhe 18 shishe me verë, të kontrabanduara dhe pa i deklaruar, arrestohet 38-vjeçari.

Sekuestrohen mallrat dhe kamioni, si dhe pasaporta dhe celulari i të arrestuarit.

Në vijim të kontrolleve intensive në hyrje/dalje, nga shërbimet e Policisë Kufitare të portit të Durrësit, në bazë të analizës së riskut dhe kundër paligjshmërive në kufi, u krye kontroll në hyrje të Shqipërisë, në kamionin që drejtonte shtetasi R. A., 38 vjeç, banues në Devoll.

Nga kontrollet në mjet u gjetën 116 celularë dhe 18 shishe me verë, të dyshuara të kontrabanduara me qëllim shitjen në Shqipëri, sepse nuk ishin të pajisura me fatura blerjeje. Shtetasi R. A. synonte t’i fuste mallrat në Shqipëri, pa i deklaruar në PKK, konform ligjit.

Në përfundim të veprimeve procedurale për këtë rast, në kuadër të operacionit “In”, 38-vjeçari u arrestua në flagrancë dhe mallrat u sekuestruan me cilësinë e provës materiale.

Materialet procedurale iu referuan Prokurorisë së Durrësit, për veprime të mëtejshme./ CNA





10:28 Kronika

Vrasje në Shkodër

Një ngjarje e rëndë ka ndodhur në Shkodër. Dyshohet se ësh...

Lajmet e fundit nga