web counter
LEXO PA REKLAMA!

SHKARKO APP

App Store
Google Play

Përplasje mes kartelit të drogës dhe ushtrisë/ Shpëtohen pengjet shqiptare

2 Maj 2025, 14:16, Kronika CNA

Përplasje mes kartelit të drogës dhe ushtrisë/

Një operacion i gjerë është zhvilluar në Ekuador, në zonën Rinconada dhe Ayampe, në provincën Santa Elena mëngjesin e sotëm.

Sipas raportimeve në media, mësohet se janë shpëtuar dy shtetas shqptarë dhe tre qytetarë nga Ekuadori të cilët mbaheshin peng nga karteli i drogës.

Pengjet mbaheshin në një fermë që dyshohet të jetë përdorur nga grupi kriminal “Los Choneros”.

Gjatë përplasjes pati shkëmbim zjarri mes forcave të sigurisë dhe trafikantëve të kokainës, gjatë së cilës mbeti i vrarë një anëtar i dyshuar i grupit “Los Choneros”.

Katër persona të tjerë u arrestuan në vendin e ngjarjes.

Sipas autoriteteve ekuadoriane, objekti i bastisur shërbente si bazë e paligjshme për veprimtari kriminale, përfshirë mbajtjen peng të shtetasve të rrëmbyer.

Gjatë kontrollit të kryer në zonë, u sekuestruan 4 pistoleta, 74 fishekë 9 mm, 6 telefona celularë dhe 1 paketë me lidhëse plastike që dyshohet se janë përdorur për lidhjen e pengjeve.

Personi i vrarë ende nuk është identifikuar, por dyshohet të ketë qenë pjesë aktive e grupit “Los Choneros”, një nga organizatat më të dhunshme të krimit të organizuar në Ekuador.





10:28 Kronika

Vrasje në Shkodër

Një ngjarje e rëndë ka ndodhur në Shkodër. Dyshohet se ësh...

Lajmet e fundit nga