web counter
LEXO PA REKLAMA!

SHKARKO APP

App Store
Google Play

Të shpallur në kërkim për vepra të ndryshme penale/ Arrestohen dy vëllezërit në Krujë

9 Janar 2025, 16:21, Kronika CNA

Të shpallur në kërkim për vepra të ndryshme penale/

Policia e Krujës ka njoftuar se ka arrestuar dy vëllezër të shpallur në kërkim për vepra të ndryshme penale.

Të arrestuarit janë identifikuar me inicialet A. Ç., dhe G. Ç.

Shtetasi A. Ç., është dënuar me 3 vjet e 4 muaj burgim, si bashkëpunëtor në vjedhjen me armë, të një shume parash, në një karburant, në fshatin Arramerras, në vitin 2021.

Ndërsa në prill të 2024-ës, dyshohet se 2 vëllezërit kanë goditur me grushte një shtetas dhe më pas kanë qëlluar me armë zjarri, në ajër.

Njoftimi i policisë:

Komisariati i Policisë Krujë, në bashkëpunim me shërbimet e Forcës së Posaçme “Shqiponja”, bazuar në inteligjencën informative, ka organizuar dhe finalizuar operacionin e koduar “Brothers”, si rezultat i të cilit janë kapur dhe ndaluar shtetasit në kërkim: A. Ç., 21 vjeç dhe G. Ç., 27 vjeç (vëllezër), të dy banues në Krujë.  

Shtetasin A. Ç., Gjykata e Apelit e ka dënuar me 3 vjet e 4 muaj burgim, për veprat penale “Vjedhja me armë”, e kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”, si bashkëpunëtor në vjedhjen me armë, të një shume parash, në një karburant, në fshatin Arramerras, në vitin 2021.    

Gjithashtu, dyshohet se në bashkëpunim me vëllanë e tij, shtetasi G. Ç., më datë 07.04.2024, kanë goditur me grushte shtetasin S. D. dhe më pas kanë qëlluar me armë zjarri, në ajër, për motive të dobëta.   

Materialet procedurale i kaluan Prokurorisë Tiranë, për veprime të mëtejshme./CNA





Lajmet e fundit nga