web counter
LEXO PA REKLAMA!

SHKARKO APP

App Store
Google Play

E fundit!

x

Një vit nga atentati me snajper i Gëzim Sinomatit/ Policia ende nuk ka zbardhur ngjarjen

7 Janar 2025, 16:03, Kronika CNA

 

Një vit nga atentati me snajper i Gëzim Sinomatit/ Policia ende nuk ka

Një vit nga atentati me snajper i Gëzim Sinomatit, djalit të Sokol Sinomatit, i njohur ndryshe me nofkën “Buzëderri”, policia ende nuk e ka zbardhur ngjarjen.

7 janar 2024 rreth orës 22:00 në sallën operative është dhënë njoftimi për të shtëna me armë. Policia dhe FNSH të cilët menjëherë shkuan në vendin e ngjarjes konstatuan se nuk bëhej fjalë për kallashnikov, por një ekzekutim mafioz të realizuar me kujdesin më të madh nga atentatorët.

Nga sedilja e pasme e një automjeti, mbështetur në një bllok betoni, është qëlluar një herë në katin e tretë të pallatit ku jetonte Gëzim Sinomati.

Gëzimi sapo kishte dalë në ballkon për të pirë cigare kur një plumb i mori jetën. Policia dyshonte në atë kohë edhe për ngatërrim shënjestre, me xhaxhanë e vet Benardin, por ende hetimet vijojnë edhe sot e kësaj dite.

Ish-drejtori i Policisë së Vlorës, Ermal Muça, gjatë kohës që drejtonte policinë në Vlorë në prezencë edhe të ish-ministrit të Brendshëm tha se ngjarja do të zbardhej shumë shpejt, por kur sot po bëhen një vit, ngjarja mbetet pa autor.

Ngjarja, e cila tronditi qytetin e Vlorës vitin e kaluar, ndodhi në afërsi të Poliklinikës së qytetit. Policia bëri me dije gjatë asaj kohe se një automjet tip “BMV” qëndroi afro 30 minuta përballë shtëpisë së Gëzim Sinomatit dhe në një moment kur energjia u shkëput rreth 10 minuta ndaj Gëzimit u qëllua me një plumb duke e lënë të vdekur në vend./CNA





Lajmet e fundit nga