web counter
LEXO PA REKLAMA!

SHKARKO APP

App Store
Google Play

E fundit!

x

E rëndë, i mituri ndërron jetë në spitalin e Tiranës, nisin hetimet

8 Janar 2025, 13:38, Kronika CNA

E rëndë, i mituri ndërron jetë në spitalin e

Maliq: Një 12-vjeçar ndërroi jetë në spitalin e Tiranës pasi u dërgua me urgjencë nga spitali i Korçës.

Mësohet se i mituri është nga fshati Pocestë, ndërsa ishte nxënës në klasën e 7-të të shkollës në fshatin Vashtëmi.

Sa u përket rrethanave, burime nga policia bëjnë me dije se i mituri është dërguar në urgjencën e Korçës me tension të lartë, ndërsa pas kontrollit është nisur menjëherë drejt Tiranës për mjekim të specializuar. Fatkeqësisht ai nuk ka mundur të jetojë. Ka qenë shkolla e fshatit Vashtëmi që ka njoftuar edhe ngjarjen e rëndë ndërsa nga burimet mësohet se i mituri është shtruar dy herë në spital për shkak të problemeve shëndetësore që mund të lidhen me zemrën dhe diabetin. Për shkak të moshës së re dhe rrethanave të vdekjes së papritur, policia ka nisur mëngjesin e sotëm hetimet lidhur me rastin për të zbuluar shkaqet e vdekjes së të miturit.

Kanë qenë familjarët ata që kanë deklaruar para uniformave blu që djali i tyre ka pësuar tension të lartë dhe që ka pasur herë pas here probleme shëndetësore. Pritet në vijim të kryhet ekspertiza mjekoligjore për të zbardhur shkakun e vdekjes. Deri më tani, familjarët nuk kanë pretendime për vdekjen e djalit të tyre, por do të jetë ekspertiza ajo që do të hedhë dritë mbi ngjarjen.

Sipas të dhënave nga spitali rajonal i Korçës 12-vjeçari ka shkuar në spital rreth 10 ditë më parë me simptoma gripi dhe pasi është mbajtur nën kujdesin e mjekëve gjendja e tij është përmirësuar dhe ka dalë nga spitali në datën 31 dhjetor. Më pas ai është shoqëruar përsëri nga familjarët në spital pasi kishte të vjella dhe nga analizat ka rezultuar se kishte gliceminë e rritur, ndaj dje në mëngjes është dërguar drejt Tiranës, ndërsa mbrëmjen e kaluar ka pësuar arrest kardiak./ CNA





Lajmet e fundit nga