web counter
LEXO PA REKLAMA!

SHKARKO APP

App Store
Google Play

Shfrytëzonte të miturat/ Arrestohet tutorja shqiptare që krijoi "folenë" e prostitucionit

13 Janar 2024, 12:30, Kronika CNA

Shfrytëzonte të miturat/ Arrestohet tutorja shqiptare që krijoi

Një 15-vjeçare dhe një 17-vjeçare u shndërruan në prostituta luksi në Greqi. Grupi të cilat i menaxhonte të miturat, ishte kujdesur që ato t'i reklamonin përmes një faqeje të njohur ku i kishin fotografuar me të brendshme.

Mediat greke shkruajnë se gjithçka nisi kur një grua nga Shqipëria e quajtur K.L. me pseudonimin "Lorela", 31 vjeç, pati një lidhje miqësore me 15-vjeçaren që nga viti 2022 dhe e bindi atë që të kryente prostitucion. 

Pak muaj më vonë, një 33-vjeçar shqiptar me iniciale N.S. që e njihte “Lorelën”, u takua me 15-vjeçaren dhe një shoqen e saj 17-vjeçare, të cilave u propozoi se do t'u gjente “klientë” të pasur.

Nga hetimet rezultoi se vajzat e mitura kanë kryer të paktën dhjetë takime romantike në hotele të ndryshme në qendër të Athinës.

"Një nga klientët, që kërkonte edhe të mitur në shtëpinë e tij, ishte një 55-vjeçar me iniciale P.D. i cili dyshohet se në periudhën korrik-gusht 2023 ka kryer marrëdhënie seksuale me të miturën e parë dhe një tjetër në shtëpinë e tij, kundrejt një shume parash. Nga hetimet policore ka rezultuar se ai i ka dhënë nga njëqind euro secilit të mitur kur kanë dalë në takime me të.", thuhet në shkrimin e medias greke.

Por hetimet më pas kanë zbuluar se 31-vjeçarja dhe bashkëpunëtorët e saj krijuan një "fole prostitucioni", duke përfituar dhe shuma parash nëpërmjet shfrytëzimit të të miturave. 

31-vjeçarja, nënë e një fëmije të mitur, u arrestua dje në shtëpinë e saj në Colonos ku disa nga fqinjët e saj kishin vënë re kontaktet “e çuditshme” që ajo kishte me nxënëset e zonës. /CNA





Lajmet e fundit nga