web counter
LEXO PA REKLAMA!

SHKARKO APP

App Store
Google Play

Shkatërrohet banda e drogës në Korfuz/ "Koka" e grupit kriminal, një shtetas shqiptar

12 Janar 2024, 18:44, Kronika CNA
Shkatërrohet banda e drogës në Korfuz/ "Koka" e grupit
Foto ilustruese

Policia ka finalizuar megaoperacionin kundër një organizate kriminale që transportonte kokainë , në ishullin e Korfuzit.

Si pasojë janë arrestuar 10 persona, ndërsa 9 të tjerë janë identifikuar si bashkëpunëtorë të tyre.

Mes të arrestuarëve janë dhe 5 shtetas shqiptarë. Po ashtu në pranga është vënë dhe një efektiv policie i cili është arrestuar në vitin 2020 për grabitje.

Koka e grupit kriminal dyshohet se ishin një shqiptar 38-vjeçar dhe një 45-vjeçare, ndaj të cilëve është ngritur një kallëzim penal për krijimin, drejtimin dhe anëtarësimin në një organizatë kriminale me qëllim trafikimin e kokainës.

Kreu i organizatës, shtetasi shqiptar ishte përgjegjës për gjetjen e sasive të kokainës, organizimin e bërthamës si dhe delegimin e veprimeve tek anëtarët e tjerë duke u dhënë atyre udhëzime për trafikun e drogës.

45-vjeçarja kishte rolin e “vëzhgueses” në Korfuz , pasi ajo ishte përgjegjëse për marrjen e drogës nga “transportuesit”, falsifikimin, shpërndarjen e sasive dhe më pas shitjen tek trafikantët me urdhër të “udhëheqësit” dhe “nënkryetarit”. Në kuadër të hetimeve të kryera nga policia, u gjet dhe u sekuestrua një pistoletë, shuma prej 5600 euro, një sasi kokaine, 2 makina dhe 8 celularë.

Sasia totale e trafikut të kokainës, nga veprimtaria kriminale e grupit gjatë periudhës në shqyrtim, llogaritet të kalojë 1.5 kilogramë, nga e cila u sekuestruan 950 gramë, ndërsa përfitimi total financiar llogaritet në 95 mijë euro./ CNA





Lajmet e fundit nga