E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

“Shfrytëzonte braziliane dhe kolumbiane për prostitucion”/ Policia shpall në kërkim 36-vjeçarin

4 Shkurt 2025, 16:10, Kronika CNA

“Shfrytëzonte braziliane dhe kolumbiane për prostitucion”/

Policia bëri të ditur finalizimin e aksionit të koduar “Escort 1”, teksa një shtetas shqiptar me inicialet M.N., 36 vjeç, është shpallur në kërkim. Ky i fundit së bashku me ndihmën e shtetasve të huaj, rekrutonte vajza nga Kolumbia dhe Brazili me qëllim shfrytëzimin e tyre për prostitucion në Tiranë, duke i reklamuar nëpërmjet faqeve online.

Në njoftimin e policisë bëhet e ditur se 36-vjeçari kishte përfituar në total 200 mijë euro gjatë një viti. Ndërkohë, u proceduan penalisht edhe 16 shtetase kolumbiane e brazilianë që e ushtronin aktivitetin në ambiente me qira ditore.

Njoftimi i Policisë:

Finalizohet operacioni policor i koduar “Escort 1”. Rekrutonte shtetase të huaja, për prostitucion, nëpërmjet faqeve online, shpallet në kërkim 36-vjeçari.

36-vjeçari kishte përfituar rreth 200 000 euro nga kjo veprimtari, gjatë 1 viti. Procedohen penalisht 16 shtetase me origjinë braziliane dhe kolumbiane, që ushtronin prostitucion në ambiente me qira ditore.

Sekuestrohen 7000 euro dhe 6 celularë.

Specialistët për Hetimin e Trafiqeve të Paligjshme të DVP Tiranë në bashkëpunim dhe me DVKM Tiranë, në zbatim të planit të masave me qëllim goditjen e veprimtarive të paligjshme që lidhen me shfrytëzimin e prostitucionit, kanë evidentuar dhe goditur një rast, në kuadër të operacionit “Escort 1”. Për këtë rast u shpall në kërkim shtetasi:

M. N., 36 vjeç, banues në Tranë.

Ky shtetas bashkëpunonte me shtetas të huaj për dërgimin në Shqipëri dhe më pas i rekrutonte shtetaset e huaja, nga Kolumbia dhe nga Brazili, me qëlim shfrytëzimin për prostitucion, duke përdorur faqe online. Këtë aktivitet e ushtronte në ambiente me qira ditore, të cilat i siguronte nëpërmjet agjencive të ndryshme.

Vijon puna për lokalizimin dhe kapjen e tij.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. /CNA