web counter
LEXO PA REKLAMA!

SHKARKO APP

App Store
Google Play

Qëlluan për vdekje 19-vjeçarin/ Autorët djegin motorin, policia del me njoftim zyrtar

18 Shtator 2022, 21:27, Kronika CNA
Qëlluan për vdekje 19-vjeçarin/ Autorët djegin motorin,
Foto nga vendngjarja

Policia e Shkodrës ka dalë me një reagim zyrtar pas vrasjes së një personi në bulevardin "Bujar Bishanaku".

Blutë bëjnë me dije se viktimë ka mbetur shtetasi me iniciale E.Xh., 19 vjeç, banues në Shkodër.

Autorët janë afruar pranë lokalit ku i riu po pinte kafe dhe e kanë qëlluar me breshëri armësh.

Pak minuta pas ngjarjes, është gjetur duke u djegur një motoçikletë dhe një armë zjarri pistoletë, që dyshohet se janë përdorur nga autorët.

Njoftimi i policisë:

Rreth orës 20:10, në bulevardin "Bujar Bishanaku", në lagjen "Naim Gjylbegu", në një lokal, në rrethana ende të paqarta, është vrarë me armë zjarri shtetasi E.Xh., 19 vjeç, banues në Shkodër.

Shërbimet e Policisë janë vënë në ndjekje të autorëve, të cilët janë larguar me një motoçikletë.

Në lagjen "Guerrile" është gjetur një motoçikletë duke u djegur dhe një armë zjarri pistoletë, që dyshohet se janë përdorur nga autorët.

Grupi hetimor nën drejtimin e Prokurorisë ndodhet në vendngjarje dhe vijon punën për zbardhjen e rrethanave të ngjarjes dhe identifikimin e autorëve.

Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve./ B.A. – CNA.al





Lajmet e fundit nga