web counter
LEXO PA REKLAMA!

SHKARKO APP

App Store
Google Play

E fundit!

x

Policia greke zbardh detaje nga arrestimi i Laert Haxhiut/ Si u ndalua "BMW"-ja luksoze

24 Maj 2023, 11:48, Kronika CNA

Policia greke zbardh detaje nga arrestimi i Laert Haxhiut/ Si u ndalua

Policia greke bën me dije se 31-vjeçari shqiptar me rrezikshmëri të lartë shoqërore, Laert Haxhiu tentoi që t’u largohet forcave të Policisë.

Në tentativë për t’u larguar tha Policia greke, Haxhiu u përplas me 3 makina e më pas mbeti i bllokuar.

Sipas Policisë greke, Laert Haxhiu po udhëtonte me dy shqiptarë të tjerë, J. B. nga Delvina dhe një 22-vjeçar. Të tre janë vënë në pranga.

Ndaj Haxhiut dhe 2 shqiptarëve të tjerë, janë ngritur akuzat “shkelje e ligjit mbi emigrantët”, “falsifikim”, “mosbindje” dhe “deklarim i rremë”.

Policia greke u ka sekuestruar 3 shqiptarëve të arrestuar 1.400 euro dhe 4 celularë si dhe mjetin "BMW X6".

Laert Haxhiut, Policia i ka gjetur një kartë identiteti greke false dhe pas verifikimeve ka rezultuar i kërkuar nga INTERPOL Tirana.

“Më datë 22-05-2023, në orët e mbrëmjes në Janinë janë arrestuar nga efektivët 3- të huaj, në kuadër të hetimeve për një rast të emigracionit të paligjshëm.

Bëhet fjalë për një 31-vjeçar, një 35-vjeçar dhe një 22-vjeçar, ndaj të cilëve është ngritur dosje për shkelje të legjislacionit për të huajt, falsifikim dokumentesh dhe dëshmi të rreme.

Në veçanti, lidhur me dinamikën e ngjarjes, të huajt hipnin në makinën që drejtohej nga 35-vjeçari dhe fillimisht tentuan të shmangnin kontrollin e policisë.

Siç rezultoi, 35-vjeçari dhe 31-vjeçari po transportonin me makinën e sipërpërmendur 22-vjeçarin, të cilit i mungonin dokumentet për hyrjen dhe qëndrimin e ligjshëm në vend.

Më tej, 31-vjeçari ka treguar një kartë identiteti greke, e cila posedohej në mënyrë të paligjshme dhe nga hetimet që pasuan me asistencën e Departamentit të Hetimit Kriminal të Drejtorisë së Përgjithshme të Policisë së Qarkut Epir, u zbulua se dokumentet ishin të rreme.

Në vazhdim të hetimeve të çështjes, u konstatua se 31-vjeçari ishte në kërkim nga INTERPOL Albania për vrasje të mbetur në tentativë ndaj dy personave dhe armëmbajtje pa leje.

Më tej, rezultoi se 22-vjeçari ishte në kërkim nga autoritetet shqiptare, në shkallë vendi, për veprën penale të ndihmës dhe nxitjes së plagosjes së rëndë me dashje.

Në kuadër të hetimeve janë sekuestruar: Makina e mësipërme, karta e identitetit e falsifikuar, një shumë parash prej 1400 euro dhe 4 celulare. Të arrestuarit u dërguan në Prokurorinë e Janinës z”, njoftoi policia greke./ CNA.al





Lajmet e fundit nga