web counter
LEXO PA REKLAMA!

SHKARKO APP

App Store
Google Play

E fundit!

x

Përgatisnin kanabisin në doza dhe më pas e shisnin/ Arrestohet i riu në Berat, procedohet një tjetër

7 Nëntor 2025, 15:52, Kronika CNA
Përgatisnin kanabisin në doza dhe më pas e shisnin/ Arrestohet i
Lënda narkotike e sekuestruar

Një 21-vjeçar është arrestuar në Berat pasi sigurontë kanabis dhe e ndante doza në banesën e tij me qëllim shitje. Në pranga është vënë shtetasi me iniciale A.K.

Ndërkohë, bëhet me dije se është proceduar penalisht edhe 20-vjeçari, K. K., i cili shpërndante lëndën narkotike me makinë. Policia sekuestroi në cilësinë e provës materiale, lëndën narkotike të gjetur në banesë dhe automjet dhe celularët e dy të rinjve.

Njoftimi i policisë:

Berat/Si rezultat i një hetimi me metoda proaktive, finalizohet operacioni policor antidrogë, i koduar “Porcione”.

Siguronte lëndë narkotike Cannabis Sativa dhe e ndante në doza, në banesën e tij, me qëllim shitjen, arrestohet 21-vjeçari.

Vihet në hetim 20-vjeçari që shpërndante dozat, me automjet.

Si rezultat i hetimeve të ndjekura për disa muaj, në koordinim me Prokurorinë e Beratit, me objektiv identifikimin dhe nxjerrjen përpara përgjegjësisë penale, të shtetasve të implikuar në veprimtari kriminale në fushën e narkotikëve, shërbimet e Seksionit për Hetimin e Narkotikëve, në bashkëpunim me shërbimet e Forcës së Posaçme "Shqiponja" dhe me shërbimet e Forcës së Posaçme Operacionale, finalizuan operacionin “Porcione”.

Në kuadër të operacionit, u arrestua shtetasi A. K., 21 vjeç, si dhe u procedua në gjendje të lirë shtetasi K. K., 20 vjeç, të dy banues në Berat, pasi nga hetimet rezultoi se i arrestuari siguronte sasi Cannabisi, të cilën e ndante në doza, në banesën e tij në lagjen “30-Vjetori”, dhe më pas ia jepte 20-vjeçarit, për ta shpërndarë me automjet.

Lënda narkotike e gjetur në banesën e shtetasit A. K. dhe në automjetin që drejtonte shtetasi K. K., si dhe celularët e këtyre shtetasve, u sekuestruan me cilësinë e provës materiale.

Materialet procedurale iu referuan Prokurorisë së Beratit, për veprime të mëtejshme. /CNA





Lajmet e fundit nga