E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pamjet - 4 furgona në gatishmëri/ Momenti kur Leonard Duka zbret në Rinas

2 Gusht 2024, 16:36, Kronika CNA

Leonard Duka, kreu i klanit "Duka”, është ekstraduar këtë të premte nga Belgjika në Shqipëriu.

Ashtu siç edhe u paralajmërua, Duka ka mbërritur në Rinas pasditen e sotme.

Nga pamjet e Policisë së Shtetit, shihet se 4 furgona policie janë vënë në gatishmëri dhe kanë shoqëruar Dukën nga Rinasi në burg.

Leonard Duka u arrestua në Belgjikë në 14 shkurt të vitit 2023 dhe që prej asaj kohe kishin nisur procedurat e ekstradimit.

Me përfundimin e këtyre procedurave, ai do të vuajë në Shqipëri dënimin për vrasjen e Santiago Malkos, krahut të djathtë të Ervis Martinajt.

Njoftimi i policisë:

Interpol Tirana kryen ekstradimin nga Belgjika në Shqipëri, të shtetasit të shumëkërkuar L. D.

Ekstradohet nga Belgjika Leonard Duka
2 Gusht, 13:54

Drejtoria e Interpol Tirana, në bashkëpunim me Interpol Bruksel dhe me strukturat e specializuara të Policisë së Shtetit, realizoi ekstradimin drejt vendit tonë, të shtetasit L. D.

Shtetasi L. D. ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale "Vrasja me dashje", kryer në formën e veçantë të bashkëpunimit, "Mbajtja pa leje dhe prodhimi i armëve, armëve shpërthyese dhe municionit", “Sigurimi i kushteve për vrasje”, "Grupi i strukturuar kriminal" dhe “Kryerja e veprave penale nga organizata kriminale dhe grupi i strukturuar kriminal”.

Nga hetimet e kryera ka rezultuar se shtetasi L. D. dhe 6 shtetas të tjerë janë autorët e dyshuar të ngjarjes së ndodhur në vitin 2019, në rrugën “Xhanfize Keko”, Tiranë, ku mbeti i vrarë me armë zjarri, shtetasi S. M.

Gjithashtu, shtetasi L. D., në bashkëpunim me shtetas të tjerë, ka planifikuar vrasjen e shtetasve Er. Ma., Er. Mi. dhe të anëtarëve të tjerë të grupit të tyre.

Drejtoria e Përgjithshme e Policisë së Shtetit falënderon Zyrën e Interpol Bruksel, për bashkëpunimin, dhe njësitë e angazhuara në realizimin me sukses të operacionit të ekstradimit./ CNA