E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Kush është Marklen Haka, kundërshtari i Durim Bamit që i shpëtoi dy atentateve

31 Korrik 2024, 21:38, Kronika CNA

Marklen Haka

Marklen Haka është ndaluar në Dubai, pas shpalljes në kërkim në kuadër të operacionit “Revanshi”.

Haka ka qenë pjesë e “Bandës së Niklës”, ndërsa akuzohet për tentativë vrasjeje ndaj Durim Bamit.

Ai njihej për miqësinë me Valter Bamin, vëllain e Durim Bamit.

Nga bisedat e zbardhura në aplikacionin “Sky ECC”, zbulohet se pavarësisht miqësive që kishte me Valter dhe Durim Bamin, Marklen Haka furnizonte me informacione kundërshtarët e vëllezërve Bami, që donin t'i eleminonin këta të fundit.

Ish-anëtari i “Bandës së Niklës” ka qenë shënjestër e dy atentateve.

Në shtator të vitit 2019, ai i shpëtoi një atentati në derë të shtëpisë së tij, ku mbeti viktimë halla e tij, Sh. B. Marklen Haka arriti të shpëtonte vetëm me një plumb në krah, ndërsa halla u vra aksidentalisht. Ishte Valter Bami ai që e dërgoi Hakën në spital pas plagosjes.

Ndalohet në Dubai Marklen Haka, ish-anëtari i bandës së Niklës
31 Korrik, 21:08

Ai ra sërish pre e një atentati në qershor të vitit 2022 në Nikël të Fushë-Krujës.

Marklen Haka mbeti i plagosur me një plumb në nofull, nga një person që dyshohet se e njihte. Autori e shënjeshtroi për ta vrarë, por Haka lëvizi kokën dhe plumbi e kapi në nofull.

Ish-anëtari i “Bandës së Niklës” ka rënë disa herë në prangat e policisë.

Ai u arrestua më 29 qershor të vitit 2011, i dyshuar nga Prokuroria e Tiranës si autori i vrasjes së biznesmenit Nadien Zenelit mbrëmjen e 13 qershorit të po atij viti, në një nga baret tek ish-Blloku në kryeqytet. Haka u lirua për mungesë provash.

Më 12 shtator të vitit 2018, ai u arrestua bashkë me babain dhe dy persona të tjerë. Asokohe, forcat speciale rrethuan Niklën dhe disa fshatra të tjera të Krujës, por gjetën vetëm një armë pa leje. Për këtë, Gjykata e Krujës e dënoi Hakën me 1 vit e gjysmë burg, por me gjykim të shkurtuar ai u dënua përfundimisht me 1 vit heqje lirie dhe në korrik të 2019-ës u lirua.

Në janar të 2022-shit, u prangos nga RENEA-s pas një operacioni që çoi në arrest 19 persona./ CNA