web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet ngjarja misterioze e shpërthimit në Sarandë ku humbi jetën biznesmeni

29 Korrik 2024, 11:54, Kronika CNA
Zbardhet ngjarja misterioze e shpërthimit në Sarandë ku humbi
Foto ilustruese nga vendngjarja

Autoritetet kanë zbardhur ngjarjen e shpërthimit në Sarandë ku humbi jetën shtetasi A.N., biznesmen.

Sipas policisë, biznesmeni së bashku me një tjetër shtetas do të vendosnin eksploziv në një anije.

Nga shpërthimi i eksplozivit humbi jetën biznesmeni A.N. Për këtë ngjarje në pranga është vënë shoku i tij, shtetasi me inicialet E.M.

Njoftimi i policisë:

Hetime të thelluara në bashkëpunim me Prokurorinë, për zbardhjen e ngjarjes së ndodhur më datë 24.07.2024, në portin e Sarandës, ku si pasojë e një shpërthimi, humbi jetën një 52-vjeçar.

Si rezultat i veprimeve të thelluara profesionale dhe hetimore, është arrestuar një shtetas i cili dyshohet se bashkë me 52-vjeçarin, do t’i vendosnin një anijeje një sasi eksplozivi, që shpërtheu aksidentalisht duke shkaktuar vdekjen e 52-vjeçarit.

Strukturat hetimore të Komisariatit të Policisë Sarandë, nën drejtimin e Prokurorisë, si rezultat i veprimeve të thelluara hetimore të kryera, bënë të mundur zbardhjen dhe dokumentimin me prova ligjore të ngjarjes së ndodhur më datë 24.06.2024, në portin e Sarandës, ku si pasojë e një shpërthimi në det, humbi jetën shtetasi A. N.

Si rezultat i hetimeve, është ndaluar shtetasi E. M., 35 vjeç, banues në Sarandë.

Ky shtetas dyshohet se në bashkëpunim me shtetasin A. N. kishin planifikuar vënien e një sasie eksplozivi te njëra nga anijet që operon në linjën Sarandë-Korfuz, për motive konkurrence.

Kjo sasi lënde plasëse ka shpërthyer aksidentalisht, gjatë tentativës për ta transportuar dhe vënë në anije, dhe si pasojë ka humbur jetën shtetasi A. N. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme./ CNA





Lajmet e fundit nga