web counter
LEXO PA REKLAMA!

SHKARKO APP

App Store
Google Play

E fundit!

x

Trafiku i kokainës në Evropë/ Si e nisën aktivitetin kriminal vëllezërit Çopja

1 Gusht 2024, 18:50, Kronika CNA
Trafiku i kokainës në Evropë/ Si e nisën aktivitetin
Foto ilustruese

SPAK zbardhi këtë të enjte detaje nga operacioni “Plumbi i Artë”, në sajë të të cilit janë lëshuar urdhër-arreste për vëllezërit Franc Çopja dhe Hajdar Çopja.

Prokuroria e Posaçme bëri të ditur se dy vëllezërit kishin ngritur një organizatë kriminale, me bazë në qytetin e Elbasanit. Ata merreshin me trafikimin e kokainës në Evropë.

Sipas dosjes, veprimtaria e tyre kriminale nisi rreth viteve 2006 – 2007 në Itali dhe më pas pas aktiviteti u shtri edhe në shtete të tjera.

“Dyshohet se veprimtaria kriminale e dy vëllezërve, daton rreth viteve 2006 – 2007, ku fillimisht e kanë ushtruar aktivitetin kriminal në Itali duke shpërndarë në sasi të vogla lëndë narkotike të llojit kokainë. Me kalimin e viteve ata u fuqizuan shumë nga shitja dhe trafikimi i drogës, ku nga Italia e shtrinë/zgjeruan aktivitetin e tyre kriminal edhe në vende të tjera të Evropës dhe më gjerë”, njofton SPAK.

Më tej thuhet se vëllezërit nisën të kryenin atentate, me qëllim zotërimin e tregut.

“Gjithashtu, me kalimin e viteve u rrit potenciali i tyre ekonomik dhe si rrjedhojë pozita e tyre në raport me grupet e tjera ndryshoi pasi ata krijuan kontakte të cilat ju dhanë më pas mundësi për të krijuar lidhje të drejtpërdrejta me eksponentë të rëndësishëm të trafikut të narkotikëve.

Për të zotëruar tregun dhe për të krijuar hegjemoninë e tyre ndaj grupeve të tjera, kjo organizatë kriminale në vitin 2018 filloi eliminimin e kundërshtarëve (nëpërmjet vrasjeve me pagesë), të cilët kishin një rol të rëndësishëm në trafikun e drogës në Evropë dhe më gjerë.

Vrasja e trefishtë, ku u vra shtetasi Endrit Alibej, më 29.12.2018, në vendin e quajtur rrethrrotullimi i Bradasheshit në Elbasan, provohet përtej dyshimit të arsyeshëm se është kryer nga kjo organizatë kriminale dhe se qëllimi i kësaj vrasje ka të bëjë me konkurencën për zotërimin e tregut të kokainës. Vrasja e shtetasit Endrit Alibej (eksponent i njohur në trafikimin e kokainës) u pasua me urdhërimin dhe të vrasjeve të disa personave të afërm të shtetasit Endrit Alibej”, thekson Prokuroria e Posaçme./ CNA





Lajmet e fundit nga