web counter
LEXO PA REKLAMA!

SHKARKO APP

App Store
Google Play

E fundit!

x

Aksion antidrogë në Shkodër/ Asgjësohen 8 mijë bimë kanabisi

2 Gusht 2024, 11:22, Kronika CNA
Aksion antidrogë në Shkodër/ Asgjësohen 8 mijë
Foto nga aksioni i policisë

Vijon megaoperacioni policor kombëtar i koduar “Territor i pastër” në Shkodër.

Gjatë aksionit të policisë janë asgjësuar 8000 bimë kanabisi dhe 4810 fidanë kanabisi.

Njoftimi i Policisë:

Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike. Kontrollet intensive nga toka dhe nga ajri, u kryen në zona me terren shumë të vështirë, për evidentimin dhe goditjen e rasteve të kultivimit të bimëve narkotike.

Si rezultat i kontrolleve nga toka dhe nga ajri, të kryera nga shërbimet e Komisariatit të Policisë Vau i Dejës dhe të Drejtorisë Vendore të Policisë Shkodër, me mbështetjen e helikopterit të Forcave Ajrore të Ministrisë së Mbrojtjes, në terrene shumë të veshtira, janë goditur disa raste të kultivimit dhe të tentativës për kultivim të bimëve narkotike.

Gjenden në territorin e njësisë administrative Temal dhe asgjësohen 8000 bimë kanabisi dhe 4810 fidanë kanabisi.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të implikuar në këtë veprimtari kriminale. Megaoperacioni “Territor i pastër” vijon./CNA 





Lajmet e fundit nga