web counter
LEXO PA REKLAMA!

SHKARKO APP

App Store
Google Play

E fundit!

x

“Operacioni spektakolar" i policisë/ Kap plot një kamion me dru

28 Shkurt 2023, 16:26, Kronika CNA

“Operacioni spektakolar" i policisë/ Kap plot një kamion me

Policia e Devollit ka kryer një “operacion spektakolar”, atë të kapjes së druve.  Blutë njoftojnë se kanë kapur plot një kamion me dru.

Kur çmimi i druve ka shkuar në stratosferë, duke u rritur në 80 mijë lekë për metër kub, efektivët merren me një kamion.

Për të reklamuar “suksesin” dhe “arritjen” e madhe, policia ka informuar mediat se ka ndëshkuar edhe dy personat që ndodheshin në kamion, shoferin dhe një shoqërues.

Autoritetet bëjnë sehir kur priten pyjet nga persona që lidhen me njerëz të pushtetshëm, nuk marrin masa kur qytetarët mbeten pa ngrohje, por bëjnë propagandë se po bëjnë një punë të mirë.

Këtë gjë e ka bërë edhe policia sot, e cila na reklamcion “superoperacionin” e kapjes së një kamioni dru.

“Devoll/Kontrolle në terren, për të parandaluar dhe për të goditur rastet e krimeve mjedisore.

Transportonin me kamionçinë, lëndë drusore të përfituar në kundërshtim me ligjin, procedohen penalisht 2 shtetas dhe sekuestrohet lënda drusore e llojit gështenjë.

Specialistët për Hetimin e Krimeve të Komisariatit të Policisë Devoll, të mbështetura nga informacionet e siguruara në rrugë operative, kanë evidentuar dhe goditur një rast tjetër të prerjes së paligjshme të pyjeve. Për këtë rast u referuan materialet në Prokurori dhe filloi procedimi në gjendje të lirë për shtetasit G. K., 50 vjeç, banues në fshatin Vranisht, Devoll, dhe E. K.,  40 vjeç, banues në Korçë.

Si rezultat i kontrollit të ushtruar nga shërbimet e Policisë, në automjetin kamionçinë me drejtues shtetasin E. K. dhe ku ishte pasagjer shtetasi G. K., në fshatin Vranisht, Devoll, u gjet dhe u sekuestrua në cilësinë e provës materiale, një sasi lënde drusore të llojit gështenjë që dyshohet se ishte prerë në mënyrë të paligjshme nga këta shtetas.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme”, thuhet në njoftimin e policisë./ CNA.al





Lajmet e fundit nga