web counter
LEXO PA REKLAMA!

SHKARKO APP

App Store
Google Play

E fundit!

x

Bilanci i Rrugores në Tiranë/ 19 arrestime, 626 shoferë të ndëshkuar

28 Shkurt 2023, 14:43, Kronika CNA

Policia Rrugore e Tiranës ka bërë një bilanc të javës që kaloi.

Nga këqyrja e policisë janë konstatuar shkeljet që janë bërë më shumë nga shoferët e makinave, ku 626 prej tyre janë ndëshkuar pasi përdornin celularin gjatë drejtimit të automjeteve.

Njoftimi i plotë i policisë:

Policia Rrugore e Tiranës

Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet.    

Gjatë javës që lamë pas 19 shtetas janë arrestuar dhe proceduar për drejtim automjeti, në gjendje të dehur ose pa leje drejtimi.

107 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor. 

Janë ndëshkuar me masë administrative 626 drejtues mjetesh, për përdorim të celularit gjatë drejtimit të mjeteve.

304 drejtues mjetesh janë ndëshkuar për mosdhënie përparësie këmbësorëve, në vija të bardha.

422 drejtues mjetesh janë ndëshkuar për mosvendosje të rripit të sigurimit.

Janë vendosur 333 masa administrative, për mosvendosje të kaskës mbrojtëse, nga drejtuesit e motomjeteve.

Gjithashtu, janë vendosur 28 masa administrative për mosrespektimin e tabelës "Stop"./CNA.al





Lajmet e fundit nga