web counter
LEXO PA REKLAMA!

SHKARKO APP

App Store
Google Play

E fundit!

x

Sherri mes vajzave/ Flet drejtoresha e shkollës: E dhunuara i kishte kërcënuar me thika e kaçavida

27 Shkurt 2023, 22:42, Kronika CNA
Sherri mes vajzave/ Flet drejtoresha e shkollës: E dhunuara i kishte
Drejtoresha e shkollës “Kongresi i Manastirit”, Rudina Maksuti

Drejtoresha e shkollës “Kongresi i Manastirit”, Rudina Maksuti, ka folur për videon që bëri xhiron e rrjetit, të disa minoreneve që rrihnin në grup një vajzë.

Maskuti deklaroi se vajza e cila po dhunohej në video i ka kërcënuar më parë vajzat e tjera me thika dhe kaçavida, duke u shkuar deri në shtëpitë e tyre.

Sipas saj, vajzat e tjera janë ndjerë të kërcënuara nga këto veprime dhe janë bashkuar për ta dhunuar atë në një ambient pranë shkollës.

“Fëmijët e filmuan por nuk e nxorën ata, kanë qenë maxhorenë ata që e kanë nxjerrë, ju garantoj. Kanë pasur mundësinë për të bërë videon, por nuk e kanë shpërndarë. Ata e pranuan vetë që e bënë videon. Kjo vajzë i ka kërcënuar edhe me thika e kaçavida deri te dera e shtëpisë dhe ato u bënë grup për ta mposhtur.

Të gjitha shkollat janë rënduar nga këto sjellje. Jo vetëm në shkollën tonë, kam parë situata nga më të vështirat gjatë punës time dhe mësuesit kanë hyrë për të zgjidhur situatat mes nxënësve. Edhe prindërit kanë thënë që nuk kanë çfarë u bëjnë. Kam ikur vetë për të parë ku ka ndodhur ngjarja, ishte rreth një kilometër larg shkollës dhe e futur në tunel. Janë zënka adoleshentësh”, tha ajo në emisionin e Eni Vasilit./ CNA.al





Lajmet e fundit nga