web counter
LEXO PA REKLAMA!

SHKARKO APP

App Store
Google Play

Policia në aksion/ Arrestohen 9 shtetas për vepra të ndryshme penale

28 Shkurt 2023, 12:28, Kronika CNA

Policia në aksion/ Arrestohen 9 shtetas për vepra të ndryshme

Policia e Tiranës ka arrestuar 9 shtetas për vepra të ndryshme penale.

Tre persona janë arrestuar për vjedhje, 5 të tjerë janë arrestuar pasi drejtonin automjetin në gjendje të dehur dhe një tjetër është arrestuar pasi ka thyer masën e sigurisë “Arrest në shtëpi”.

Postimi plotë i policisë:

Tiranë/Vihen në pranga 9 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 1 arrestuan shtetasin A. V., 30 vjeç, banues në Tiranë, pasi ka vjedhur një shumë parash (xhiron ditore), në një lokal. 

Specialistët për Hetimin e Krimeve të Komisariatit të Policisë Nr. 5 arrestuan shtetasin E. M., 30 vjeç, banues në Paskuqan, pasi ka thyer masën e sigurisë "Arrest në shtëpi". 

Specialistët për Hetimin e Krimeve të Komisariatit të Policisë Nr. 6 ndaluan shtetasin B. D., 30 vjeç, banues në Babrru, i cili ishte i shpallur në kërkim për veprën penale "Vjedhja".   

Specialistët e Qarkullimit Rrugor arrestuan shtetasit: 

- A. B., 21 vjeç, banues në Tiranë, pasi Gjykata e Shkallës së Parë Tiranë e ka dënuar me 4 muaj burgim, për veprën penale “Drejtimi i automjeteve në mënyrë të parregullt”;

- N. K., 36 vjeç, B. L., 54 vjeç, A. K., 52 vjeç dhe E. Sh., 31 vjeç, të katërt banues në Tiranë, pasi u kapën duke drejtuar automjetet, në gjendje të dehur; 

- A. Xh., 63 vjeç, banues në Tiranë, për veprën penale “Shkelja e rregullave të qarkullimit rrugor”, pasi ditën e djeshme, duke drejtuar autobusin, është përplasur me disa automjete dhe si pasojë janë dëmtuar 9 shtetas, të cilët ndodhen jashtë rrezikut për jetën.      

Materialet i kaluan Prokurorisë, për veprime të mëtejshme./CNA.al





Lajmet e fundit nga