web counter
LEXO PA REKLAMA!

SHKARKO APP

App Store
Google Play

E fundit!

x

Nuk ndalen “sukseset” e Policisë/ E pëson keq qytetari, për 10m3 dru

5 Qershor 2022, 12:25, Kronika CNA
Nuk ndalen “sukseset” e Policisë/ E pëson keq qytetari,
Foto ilustruese

Policia e Pogradecit nuk ka të ndalur në “sukseset” e saj.

Ashtu sikurse bëhet e ditur në një njoftim për mediat, Policia e Pogradecit ka zhvilluar një “superoperacion”, duke bërë të mundur procedimin penal të një qytetari, i cili është kapur me plot 10m3 dru.

“Specialistët për Hetimin e Krimeve në Komisariatin e Policisë Pogradec referuan materialet në Prokurori dhe filloi procedimi penal për veprën "Prerja e paligjshme e pyjeve", për shtetasin L. K., 44 vjeç, banues në fshatin Shqitas, Maliq, pasi në fshatin Grunjas, Pogradec, ky shtetas u kap duke transportuar me mjetin kamion tip "Benz", 10 m³ lëndë drusore, pa leje.”-njofton policia.

Por, çfarë ndodh?

Për plot 10m3 dru e pëson keq nga Policia, por nëse shkatërron një ndër pikat simbolike të Korçës, nuk të hyn gjemb në këmbë.

Deri më tani nuk kemi parë të preken personat që po bëjnë “masakër” në Korçë, duke shkatërruar të famshmen pikë simbolike, atë që quhet Belvedere.

Në Belvedere është zhveshur një kodër e gjitha me qindra m3 dhe policia bën sehir si rrjepet pylli për vila.

Policia nuk arreston personat që kanë rrafshuar pyllin për të fituar para, biznesmenët e lidhur me Qeverinë, por kapin qytetarët që marrin dru për hall apo që rregullojnë çatinë./CNA.al

 





Lajmet e fundit nga