web counter
LEXO PA REKLAMA!

SHKARKO APP

App Store
Google Play

Viktima u keqtrajtua me mjete të forta para vrasjes/ Identifikohen eshtrat e gjetur në Fushë Kuqe

3 Qershor 2022, 15:52, Kronika CNA
Viktima u keqtrajtua me mjete të forta para vrasjes/ Identifikohen eshtrat
Mariglen Gjonaj

Janë identifikuar eshtrat e gjetura më 3 prill të këtij viti në Fushë-Kuqe të Kurbinit.

Sipas ekspertizës mjeko-ligjore, mësohet se eshtrat i përkasin Mariglen Gjonajt, i cili rezultonte i zhdukur që nga 2015.

Personi, para se të vritej, është dhunuar me sende të forta.

Familjarët e Mariglen Gjonajt denoncuan zhdukjen e tij në maj të vitit 2015.

Ata thanë se nuk kishin kontakt me të birin, i cili ishte nisur për në shkollë si normalisht dhe nuk ishte kthyer më. Familjarët deklaruan atëhere në polici se kishin frikë se dikush mund t’i ketë bërë keq të riut pasi ditën e zhdukjes ka patur me vete një orë të shtrenjtë “Roleks” si edhe disa bizhuteri, të cilat kapnin vlerën e 1 milion lekëve të rinj.

Zhdukja e adoleshentit 16-vjeçar, është hetuar fillimisht nga Prokuroria e Laçit dhe më pas çështja ka kaluar në Prokurorinë e Krimeve të Rënda në Tiranë.

Kjo e fundit kreu veprime për akuzën e rrëmbimit të personit, por pas shpërbërjes së Krimeve të Rënda, dosja i kaloi për hetime të mëtejshme sërish në Kurbin./E.T-CNA.al





Lajmet e fundit nga