E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

Tonelata marijuanë nga Shqipëria në Itali/ Në pranga 5 persona, mes tyre edhe financieri i Habilajve

3 Qershor 2022, 10:43, Kronika CNA

Tonelata marijuanë nga Shqipëria në Itali/ Në pranga 5

Policia financiare e Katanias zbatoi 5 urdhra burgu të lëshuar nga Gjykata e Apelit për Angelo Busacca, Anonino Riela, Vincenzo Spampinato, Nazar Seiti dhe Maridian Sulajn.

Ata janë vënë nën hetim për trafikimin ndërkombëtar të drogës dhe mbajtjen pa leje të armëve luftarake.

Hetimet kanë të bëjnë me një grup kriminal të përbërë nga shtetas nga Katania dhe shqiptarë, të cilët merreshin me furnizimin e Katanias, Raguzës dhe Sirakuzës me marijuanë të importuar nga Shqipëria.

Tonelata droge nga Shqipëria

Njësitë e specializuara antidrogë të Gico-s të Pef Nucleusit, kanë çuar në sekuestrimin e rreth 3.5 ton marijuanë, para dhe kallashnikovë.

Në kuadër të këtij procedimi në flagrancë janë arrestuar 24 persona. Në këtë operacion është përfshirë edhe policia shqiptare dhe Interpoli, të cilët kanë arritur të konstatojnë lëvizjen e 4 tonëve lëndë narkotike të tjera nga i njëjti grup.

Personat e arrestuar

Maridian Sulaja u dënua me 8 vite burg, pasi u shpall fajtor për krimet e konspiracionit dhe trafikut të drogës, me rrethanat rënduese të sasisë së madhe dhe transnacionalitetit të krimeve.

Angelo Busacca u dënua me 6 vjet e 10 muaj burgim (nga të cilat 6 vjet, një muaj e 26 ditë për t'u shlyer), pasi u shpall fajtor për një komplot kriminal me qëllim trafikun e drogës.

Antonino Riela u dënua me 14 vjet e 8 muaj burgim (nga të cilat 13 vjet, 10 muaj e 14 ditë për shlyerje), për shkak se ishte fajtor për krimet e komplotit dhe trafikut të drogës, me rrethanat rënduese të sasisë së madhe.

Nezar Seiti u dënua me 6 vjet e 8 muaj burgim (të gjitha për t'u shlyer), pasi u shpall fajtor për veprën e komplotit për qëllime të trafikut të drogës.

Së fundi, Vincenzo Spampinato u dënua me 9 vjet burgim (nga të cilat 8 vjet, 3 muaj e 8 ditë ende për shlyerje), për shkak se ishte fajtor trafik droge./CNA.al

Marrë nga "Catania Today"