web counter
LEXO PA REKLAMA!

SHKARKO APP

App Store
Google Play

Krimi “mbyt” Shkodrën/ Pse vrasjet mbesin pa “autor”

3 Qershor 2022, 11:52, Kronika CNA

Krimi “mbyt” Shkodrën/ Pse vrasjet mbesin pa

Ngjarjet kriminale kanë tronditur sërish Shkodrën, ku u qëllua me breshëri plumbash Naim Bajri.

I ftuar në "Abc News", gazetari investigativ, Artan Hoxh, u shpreh se në Shkodër bandat kriminale janë me salla operative.

Sipas gazetarit, kjo gjë e bën të vështirë punën e hetuesve për të zbuluar ngjarjet.

“Cilat janë ngjarjet pa autor? Janë ngjarjet që kanë të bëjnë me atentate mafioze si ky i sotmi. Ne dëgjojmë breshërinë, shohim ekspertët, mjekësinë ligjore dhe pas 1 ore shohim zjarrfikësin që fik një makinë.

Mënyra se si është organizuar kriminaliteti në Shkodër, ku ka si shtyllë të ndërtimit të një strukture përbërjen fisnore, aty struktura bazë që mban një klan është ajo fisnore. Prandaj kjo bëhet e vështirë për t'u kontrolluar”, tha ai.

Ndër të tjera, Hoxha tregon një rast, ku i kanë dërguar sms se përse ishte futur në zonën e tyre, ndërkohë që e kishin zbuluar nga kamerat.

“Dobraçi është i mbuluar me kamera. Ashtu është edhe Kirasi. Më vinte mesazhi pse ke hyrë në këtë zonë. Ata kishin kamerat e veta, janë me salla operative. Janë më permanente se ajo e policisë. Kemi të bëjmë atje me organizime që kanë në përbërje struktura shumë të fuqishme monetare dhe brenda tyre kanë edhe ekzekutorë”, tha ai.

Gjithashtu, gazetari komentoi edhe ngjarjen kriminale të ndodhur sot, ku tha se Naim Bajri u vra në kafe dhe kjo vërteton se ai nuk ishte person që ruhej.

“Në Shkodër ekzekutorët janë vendas. Ata i bëjnë vetë sepse kanë hakmarrjen. Dhe hakmarrja duhet të jesh vetë, sepse ajo u jep një ndjenjë triumfi.

Kur shteti nuk vepron çfarë mendoni ju? Në momentin që ata nuk gjejnë njëri-tjetrin fillojnë dhe vrasin të afërmit, ata që janë më hallexhinjtë. Në 9 prill u plagos Admir Bilali, në makinë me të ndodhej edhe e ëma. Në 30 prill i bëhet atentat Dedë Pllanajt. Për fat të mirë ai përfundoi me plagosje. Kjo sot është vijimi i ngjarjeve.

Kur nuk vepron shteti ata i zgjidhin vetë. Personi që është vrarë sot ishte në kafe, nuk ruhej. Pra, është objektiv i lehtë për t'u arritur. Viktima e sotme është babai i Indrit Bajrit që u vra në 2001-shin. Është një ngjarje që ka pasur dënim në atë kohë”, tha ai./ CNA.al

 





Lajmet e fundit nga