web counter
LEXO PA REKLAMA!

SHKARKO APP

App Store
Google Play

“Megaoperacioni” i Policisë së Korçës/ Kapen “kriminelët” që shisnin pleh

22 Shkurt 2023, 14:29, Kronika CNA
“Megaoperacioni” i Policisë së Korçës/ Kapen
Foto ilustruese

Policia e Korçës shquhet për “megaoperacionet” e saj të suksesshme, ku vë në pranga apo nën hetim, qytetarë me një bagazh makine me dru apo me steka cigaresh kontrabandë.

Në “megaoperacionin” e radhës, policia e Korçës ka vënë nën hetim dy persona shumë "të rrezikshëm”, pasi iu ka gjetur thasë të mbushur me pleh dhe se po tentonin ta tregtonin në mënyrë të paligjshme.

Sipas të dhënave nga ky “megaoperacion”, u konstatua se këta dy shtetas R.L., 54 vjeç dhe E.C., 27 vjeç, kishin nxjerrë në mënyrë të paligjshme, pleh nga ish-këneta e Maliqit.

 “Po këta specialistë referuan materialet në Prokurori dhe filloi procedimi penal në gjendje të lirë për shtetasin R. L., 54 vjeç, banues në fshatin Barç, Korçë, pasi gjatë kontrollit të ushtruar pranë banesës së këtij shtetasi, u gjetën thasë të mbushur me pleh (torfë), sasi të cilën 54-vjeçari dyshohet se e kishte nxjerrë tek ish-këneta e Maliqit, duke shpërdoruar tokën dhe e tregëtonte në mënyrë të paligjshme, i paregjistruar në organet tatimore.

Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasin E. C., 27 vjeç, banues në fshatin Barç, Korçë, për veprën penale “Shpërdorimi i tokës”, pasi në dalje të qytetit të Pogradecit, u kap duke transportuar me automjetin furgon tip “Benz”, sasi me torfë e cila dyshohet të jetë nxjerrë në mënyrë të paligjshme në fushën e Maliqit”, thuhet në njoftim./ CNA.al





Lajmet e fundit nga