web counter
LEXO PA REKLAMA!

SHKARKO APP

App Store
Google Play

Misteri i ngjarjes me 22-vjeçaren keniane/ Karamuço ngre dyshimet e forta, pistat ku po hetohet

22 Shkurt 2023, 13:08, Kronika CNA

Misteri i ngjarjes me 22-vjeçaren keniane/ Karamuço ngre dyshimet

Eksperti i kriminalistikës, Ervin Karamuço, ka folur rreth ngjarjes së mistershme me 22-vjeçaren keniane, e cila u dhunua barbarisht në Tiranë.

I ftuar në emisionin “Breaking”, Karamuço ka zbuluar se po hetohet në disa pista. Sipas ekspertit pista e parë mund të jetë një sulm nga disa persona që e njihnin viktimën, ndërsa pista e dytë një sulm seksual, duke qenë se 22-vjeçarja u gjet gjysmë e zhveshur.

Ndër të tjera, Karamuço është shprehur se dyshohet se 22-vjeçarja ka qenë përdoruese alkoolike dhe narkotike.

“Ne kemi humbur kohë për të kapur indicie dhe prova si për shembull perceptime telefonike. Kamerat mund të kenë filmuar gjithçka që ndodhi natën e dhunimit të saj. Ka disa pista ku po hetohet. Pista e parë sulm nga disa persona që e njihnin viktimën, pasi bashkë me të ndodheshin dhe shoqet e saj. Pista e dytë sulm seksual. Puna që ajo bënte dhe telefoni që përdorte duhet të ishin marrë dhe të hetoheshin dhe të bëheshin 'backup' edhe pse ishin fshirë. Thonë që ajo ka qenë përdoruese alkoolike dhe narkotike, por që në analiza nuk i kanë datë dhe këto janë faza të hetimit”, u shpreh Karamuço./ CNA.al

 





Lajmet e fundit nga