web counter
LEXO PA REKLAMA!

SHKARKO APP

App Store
Google Play

Nga Italia me arsenal armësh/ Policia: Si u kap 53-vjeçari në portin e Durrësit

8 Dhjetor 2022, 18:11, Kronika CNA
Nga Italia me arsenal armësh/ Policia: Si u kap 53-vjeçari në
Armët e sekuestruara

Policia ka dhënë detaje nga aksioni i kapjes së një personi me arsenal armësh në portin e Durrësit.

Blutë bëjnë me dije se në pranga ka rënë shtetasi me iniciale S.L., 53 vjeç, banues në Zvicër.

Ai i kishte fshehur armët në makinë, ndërsa po vinte me target nga porti i Anconës në Itali për në Shqipëri.

Policia kufitare i ka gjetur dhe sekuestruar një snajper, shotgun dhe pistoletë.

Njoftimi i plotë:

Port Durrës/Finalizohet operacioni policor i koduar “Snajperi”.

Operacioni nga Policia Kufitare e Portit Durrës, në bashkëpunim me Strukturat Hetimore të DVP Durrës, dhe autoritetet doganore të Portit.

Operacioni i zhvilluar mbi bazën e inteligjencës informative dhe analizës së rriskut.

Sekuestrohen një armë zjarri snajper, një pistoletë, një armë gjahu dhe municion luftarak.

Vihet në pranga 53 vjeçari, i cili udhëtonte nga Italia në drejtim të Kosovës.

Shërbimet e Policisë Kufitare të Portit Durrës, në vijim të kontrolleve të shtuara për parandalimin dhe goditjen e trafiqeve të paligjshme, bazuar në analizën e rriskut dhe inteligjencën informative për një shtetas që kishte me vete armë zjarri dhe do të hynte në Shqipëri, organizuan dhe finalizuan, në bashkëpunim me Strukturat Hetimore të DVP Durrës, dhe autoritetet doganore, operacionin policor të koduar “Snajperi”.

Si rezultat i këtij operacioni u bë kapja dhe arrestimi në flagrancë i shtetasit S. L., 53 vjeç, banues në Zvicër.

Shërbimet e Policisë kanë kaluar për kontroll në vijën e dytë në hyrje të RSH, 53 vjeçarin së bashku me automjetin e tij tip "Land Rover" dhe gjatë kontrollit, Policia gjeti të fshehura, në brendësi të makinës një armë zjarri pistoletë, një snajper, një armë gjahu, 1367 copë fishekë luftarak dhe 800 copë fishekë për armë gjahu, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./ B.A. – CNA.al





Lajmet e fundit nga