web counter
LEXO PA REKLAMA!

SHKARKO APP

App Store
Google Play

Ndërtoi pa leje 8 objekte dhe një pishinë/ Vihet në pranga 1 person

10 Shtator 2025, 09:24, Kronika CNA

Ndërtoi pa leje 8 objekte dhe një pishinë/ Vihet në pranga 1

Një person është vënë në pranga në Tropojë, me kërkesë të Prokurorisë Kukës, pasi akuzohet për ndërtim pa leje.

Brenda rrethimit të banesës së R. Gj., u konstatuan 8 objekte pa leje dhe një pishinë në ndërtim.

Në njoftimin e prokurorisë thuhet se objektet janë me përmasa 10x6 m të ngritura mbi kolona betoni dhe të rrethuara me mur tulle.

 

“Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Kukës u arrestua shtetasi R.Gj., nën hetim për veprën penale ‘Ndërtim i paligjshëm’ parashikuar në nenin 199/a, paragrafi 4, i Kodit Penal. Në kuadër të hetimeve mbi procedimin penal nr.509, datë 08.09.2025, pas referimeve të policisë së shtetit, në vendin e quajtur lagjja "Gjomakaj", (fshati Llugjaj), Njësia Administrative Llugaj, Bashkia Tropojë u konstatuan 8 objekte dhe një pishinë në ndërtim e sipër të cilat ndodheshin brenda rrethimit të banesës së shtetasit R.Gj.

Këto objekte janë me përmasa 10x6m të ngritura mbi kolona betoni dhe të rrethuara me mur tulle me ngjyrë të kuqe dhe solete sipër. Objektet e ndërtuara dhe pishina ndodhen brenda rrethimit të baneses së shtetasit R.Gj. dhe rreth e përqark objekteve ka materiale ndërtimi si zhavorr, tulla etj. Veprimet hetimore mbi këtë çështje vijojnë”, njofton prokuroria./CNA





Lajmet e fundit nga