Detaje nga masakra në Shkodër/ "Brajoviç tentoi të shpëtonte, autori i ndoqi brenda lokalit"

8 Shtator 2025, 21:03, Kronika CNA

Detaje nga masakra në Shkodër/ "Brajoviç tentoi të

Gazetarja Klodiana Lala e ftuar në MCN TV ka dhënë detaje të reja për masakrën që mori dy jetë njerëzish ditën e sotme në Shkodër.

Lala tha se ngjarja ka ndodhur në lokalin poshtë banesës së Erogen Brajoviç, i cili mbeti i plagosur. Lala ka zbardhur edhe lidhjet mes personave ku Liridon Kraja është bashkëshorti i kushërirës së Erogen Brajoviç, ndërsa Armando Pali ish-koleg në Këshillin Bashkiak të Shkodrës.

Gazetarja tha se autori u afrua me një mtor dhe qëlloi me breshëri automatiku, madje dhe i ka ndjekur kur tentuan t’i shpëtonin atentatit, duke u futur në brendësi të lokalit.

Lala tha se autori Gila pas ngjarjes ka marrë një makinë nën këecënimin e armës.

Duke cituar burime ng Policia, Lala tha se Armando Pali nuk ka rekord kriminal, ka qenë zyrtar shtetëror. Po ashtu edhe Liridon Kraja.

"Ngjarja ka ndodhur në orën 8:50 të mëngjesit. Erogen Brajoviç, banon mbi lokalin ku ka ndodhur masakra. Është ulur në lokal ku është takuar me një pjesëtar të familjes së tij, Liridon Kraja, që është i martuar me kushërirën e tij dhe me Armando Palin, ish koleg në Këshillin Bashkiak të Shkodrës. Kur janë ulur në lokal, në afërsi të lokalit, është afruar një motor dhe më pas personi me skafandër dhe automatik, është afruar në tavolinën e tyre, dhe ka qëlluar me breshëri.

Ata kanë tentuar të shmangen dhe kanë hyrë në ambientet e brendshme, por autori i ka ndjekur nga pas duke lënë të vrarë Armando Palin. Ka mbetur i palgosur rëndë Liridon Kraja, por më pas ka ndërruar jetë. Ka mbetur i plagosur Brajovic dhe kamarierja e lokalit, Meri Kaceri.

Autori i dyshuar Ragip Gila, ka dalë nga ana e pasme e lokalit dhe nën kërcënimin e armës, ka nxjerrë drejtuesin jashtë dhe ka rrëmbyer makinën.

Policia ka dyshime se viktimat janë të pafajshme. Armando Pali nuk ka rekord kriminal, ka qenë zyrtar shtetëror. Po ashtu edhe Liridon Kraja, pavarësisht se ishte dhëndër në familjen Brajovic, nuk kishte rekorde. Po ashtu as kamarierja", deklaroi Lala

Lala tha se karakteristika e Shkodrës është që ata veprojnë me ashpërsi dhe nuk ndalen prandaj para hetuesve të gjithë refuzojnë të flasin./CNA